កាសែតRodong Sinmun ដែលជាស្ថាប័ននាំពាក្យផ្លូវការរបស់បក្សពលករកូរ៉េខាងជើង បានចុះផ្សាយបទវិចារណកថា ដោយចោទប្រកាន់ថាបណ្ដាអង្គភាពទ័ពពិសេសអាមេរិកនៅជប៉ុនកំពុងដំណើរការសមយុទ្ធលើអាកាស បំណង«ឈ្លានពានក្រុងព្យុងយ៉ាង»-នេះបើតាមReuters។
កាសែតនេះបានលើកឡើងថា៖ ទង្វើបែបនេះបញ្ជាក់ថា អាមេរិកកំពុងសម្ងំរៀបចំផែនការឧក្រិដ្ឋកម្មសំដៅបញ្ឆេះសង្គ្រាមមួយ ប្រឈមកូរ៉េខាងជើង។ យើងខ្ញុំពិនិត្យឃើញអាកប្បកិរិយាមុខពីររបស់អាមេរិកដែលមមាញឹកក្នុងការធ្វើសមយុទ្ធសម្ងាត់ ដោយមានការចូលរួមពីបណ្ដាអង្គភាពពិសេសផង ហើយធ្វើការចរចាទាំងទឹកមុខស្រស់ញញឹមផង។
បទវិចារណកថានេះសង្កត់ធ្ងន់ហើយអំពាវនាវឱ្យក្រុងវ៉ាស៊ីនតោនបោះបង់ចោល«ល្បែងភ្នាល់យោធាគ្មានន័យ»និងអនុវត្តន៍ កិច្ចព្រមព្រៀងដែលភាគីទាំង សងខាងបានឯកភាពគ្នាក្នុងសន្និសីទកំពូលនៅសិង្ហបុរី។តាមនេះមេដឹកនាំអាមេរិកនិងកូរ៉េខាងជើងសន្យឆ្ពោះទៅកាន់ គោលដៅរំសាយនុយក្លេអ៊ែរទាំងស្រុងនៅកូរ៉េ។
ប៉ុន្ដែកិច្ចប្រឹងប្រែងខាងលើនៅពុំទាន់មានជំហានរីកចម្រើនគួរឱ្យកត់សម្គាល់ណាមួយឡើយ។អាមេរិកនិងកូរ៉េខាងជើងទម្លាក់ កំហុសឱ្យគ្នាថាមិនអនុវត្ដន៍កិច្ចព្រមព្រៀងឱ្យបានម៉ឺងម៉ាត់។ ដំណើរទសន្សកិច្ចកូរ៉េខាងជើងរបស់ប្រមុខការទូតអាមេរិកត្រូវបានប្រធានាធិបតីប្រទេសនេះសម្រេចលុបចោលហើយចោទប្រកាន់ថាចិនបានរារាំងដំណើរការរំសាយនុយក្លេអ៊ែរព្រោះចង់ដាក់សម្ពាធលើកិច្ចចរចាពាណិជ្ជកម្មរវាងប្រទេសទាំងពីរ ហេតុនេះទើបលោកលុបចោលដំណើរទស្សនកិច្ចខាងលើរបស់ប្រមុខការទូតPompeo ។
ចំណែកអ្នកនាំពាក្យស្ថានទូតអាមេរិកប្រចាំកូរ៉េខាងត្បូងឱ្យដឹងថា លោកពុំមានព័ត៌មានអ្វីបន្ដិចអំពីសមយុទ្ធដូចដែលកាសែតខាងលើលើកឡើង៕
សូយន
