កាសែត Libération បានចុះផ្សាយនៅថ្ងៃទី២២ ខែសីហា ក្រោមចំណងជើងថា កែឆ្អឹងត្រគាកនៅថៃ បណ្ដុះសក់នៅព័រទុយហ្គាល់ កែសម្ឆស្សនៅរ៉ូម៉ានី៖ទេសចរណ៍សុខាភិបាលកំពុងក្លាយជាមុខជំនាញសកលូបនីយកម្ម ដោយសារមានប្រាក់ចំណេញដំធំសម្បើម។
ពុំត្រឹមតែធ្វើសម្ឆស្សស្អាតប៉ុណ្ណោះទេ សេវាកម្មសុខាភិបាលដទៃៗទៀតក៏កំពុងត្រូវបានពពាយនាយ ជាអាទិ៍ ការវះកាត់ប្ដូរក្រលៀន ព្យាបាលមហារីក ដែលខ្លាំងជាងគេនៅឥណ្ឌា។ទីផ្សារនេះរកចំណូលបាន៦០លានដុល្លារ ក្នុងឆ្នាំ២០១៦ ជាមួយអ្នកជំងឺ១៤លាននាក់ និងនៅបន្ដកើន២៥ភាគរយក្នុងទសវត្សខាងមុខ។
ចំពោះមូលហេតុដែលគេចេញទៅរកសុខាភិបាលនៅបរទេសពុំមានការប្រែប្រួលឡើយ នោះគឺការពុំត្រូវរង់ចាំយូរ ហើយពិសេសគឺតម្លៃថោក។ចាប់តាំងពីដើមទសវត្ស៩០មក លេចធ្លោនៅអាស៊ីពិសេសគឺឥណ្ឌានិងថៃ ដែលជាកន្លែងដែលទទួលអ្នកជំងឺបរទេសខ្លាំងជាងគេ ដោយឡែកចំពោះថៃចំណូលនេះគឺស្មើនឹង១ភាគរយនៃGDP ។
ជាយូរណាស់មកហើយ ថៃជាប្រទេសដែលទាក់ទាញអ្នកជំងឺព្រោះតែវាមានតម្លៃថោក(ទាបជាង៧០ភាគរយប្រៀបនឹងអាមេរិក) ហើយគុណភាពព្យាបាលពិតជាល្អ។ចំណែកឥណ្ឌាវិញ តាំងពីឆ្នាំ២០០៥ ប្រទេសនេះបានបង្កើតប្រភេទទិដ្ឋាការពិសេសម្រាប់ភ្ញៀវទេសចរសុខាភិបាល ហើយដោយឡែកក្នុងឆ្នាំ២០១៥ បានផ្ដល់ទិដ្ឋាការនេះដល់មនុស្សជាង២៣០០០០នាក់។
នៅប្រទេសទាំងនោះ ថែមទាំងមានក្រុមហ៊ុនជំនាញគិតគូរការស្នាក់នៅ ព្យាបាលជំងឺដល់ជនបរទេសពីដើមដល់ចប់ ពីព្រលានយន្ដហោះរហូតដល់ពេលសះស្បើយពីជំងឺ។
តាមLibération ដដែល ពុំមែនអាស្រ័យដោយសារតម្លៃថោកប៉ុណ្ណោះទេ តែជនបរទេសបានស្វែងរកសេវាកម្មនេះព្រោះតែនៅ បរទេសគេពុំមានការបម្រើងាយស្រួលបែបនេះ៕
លីសា