កណ្តាល៖ នគរបាលស្រុកកៀនស្វាយ បានឲ្យដឹងថា ករណីគ្រោះថ្នាក់ចរាចរ១លើក របួសធ្ងន់៣នាក់ រវាងម៉ូតូនិងម៉ូតូក្នុងទិសដៅបញ្ច្រាសទិសគ្នា បណ្តាលឲ្យខូចខាតធ្ងន់ម៉ូតូ២គ្រឿង ចន្លោះគីឡូម៉ែត្រលេខ១៧_១៨ ស្ថិតក្នុងភូមិភូមិធំ ស្រុកកៀនស្វាយខេត្តកណ្តាល ។
នគរបាលមូលដ្ឋានបានប្រាប់រឿងហេតុគ្រោះថ្នាក់នេះថា នៅ ថ្ងៃទី ២៦ ខែសីហា ឆ្នាំ ២០១៨វេលាម៉ោង ១៧និង៣០នាទីចំណុចភូមិភូមិធំ ឃុំ ភូមិធំ ស្រុកកៀនស្វាយ ខេត្ត កណ្តាល ចន្លោះ គីឡូម៉ែត្រគីឡូម៉ែត្រលេខ១៧_១៨ មានម៉ូតូមួយគ្រឿង ម៉ាកហុងដាc១២៥ស៊េរីឆ្នាំ២០១៧ ពាក់ស្លាកលេខ 2.AH 8414 បើកបរដោយឈ្មោះ បាន សូនី ភេទ ប្រុស អាយុ ២៦ ឆ្នាំ មានទីលំនៅភូមិ ព្រៃផ្ញា ឃុំ រំចេក ស្រុក ព្រះស្តេច ខេត្ត ព្រៃវែង មានឌុបម្នាកផ្សេងទៀតពីក្រោយ ឈ្មោះ តាំ សុីម ភេទ ស្រី អាយុ ២៩ ឆ្នាំ មានទីលំនៅភូមិឃុំកើតហេតុ ជាមួយគ្នាជាមួយអ្នកឌុប ក្នុងទិសដៅពីអ្នកលឿង ទៅភ្នំពេញ លុះបើកម៉ូតូមកដល់ចំណុចកើតហេតុខាងលើ បានបុកជាមួយម៉ូតូមួយគ្រឿងទៀត ម៉ាកវីវ៉ាសេរីឆ្នាំ២០១៦ពាក់ស្លាកលេខ1H.1210 បើកបរដោយឈ្មោះស៊ូ វ័ល្ល ភេទប្រុស អាយុ ៤៨ ឆ្នាំ មានទីលំនៅភូមិស្រែអំពិលឃុំឈើទាល ស្រុកកៀនស្វាយ ខេត្តកណ្តាល បើកបរក្នុងទិសដៅពីភ្នំពេញទៅអ្នកលឿង ដោយជិះឆ្លងថ្នល់ពីជើងទៅត្បូង រងរបួសធ្ងន់ជនរងគ្រោះទាំងបីនាក់ ត្រូវបានប្រជាពលរដ្ឋតេទូរស័ព្ទហៅរថយន្តសាមុយ ដឹកយកទៅព្យាបាលនៅមន្ទីរពេទ្យឯភ្នំពេញ។ ចំណែកម៉ូតូទាំងពីគ្រឿង ត្រូវបានជំនាញចរាចរណ៍ស្រុកកៀនស្វាយ ធ្វើការវាស់វែង ហើយយកទៅរក្សាទុក នៅអធិការដ្ឋាននគរបាលស្រុកកៀនស្វាយ រង់ចាំជនរងគ្រោះទាំងសងខាង ធ្វើការសម្របសម្រួលគ្នា ពេលក្រោយ ។ នគរបាលស្រុកកៀនស្វាយបានសន្និដ្ឋានថា ក្នុងករណីខាងលើនេះ បណ្តាលមកពី អ្នកបើកបរទាំងសងខាង ធ្វេសប្រហែសខ្ជីខ្ជាមិនបានមើលឲ្យច្បាស់ ពីស្ថានភាពផ្លូវខាងមុខ៕ ដោយ៖ កូឡាប
