កាលពីថ្ងៃសៅរ៍ កូរ៉េខាងជើងពុំបាននិយាយដល់អាវុធនុយក្លេអ៊ែរនៅក្នុងពិធីខួបអនុស្សាវរីយ៍នៃការអនុវត្តគោលនយោបាយ«អានុភាពយោធា»។
ទង្វើនេះផ្ទុយស្រឡះនឹងខួបអនុស្សាវរីយ៍កាលពីឆ្នាំទៅមិញ គ្រាដែលកូរ៉េខាងជើងប្រកាសថានឹងបង្កើនសមត្ថភាពអាវុធនុយក្លេអ៊ែរ១០០ដង។ តាមមជ្ឈដ្ឋានអ្នកសង្កេតការណ៍ នោះកូរ៉េខាងជើងបានអត់ធ្មត់ដោយមិនអះអាងថាខ្លួនជាប្រទេសនុយក្លេអ៊ែមួយ ដោយហេតុថាពួកគេបានព្រមព្រៀងជាមួយអាមេរិកនិងកូរ៉េខាងត្បូងបានព្រមព្រៀងគ្នាមុននោះអំពីការរំសាយនុយក្លែអ៊ែរនៅឧបទ្វីបកូរ៉េ។
នៅថ្ងៃសុក្រមុននោះ ប្រធានាធិបតីអាមេរិកបានសម្រេចផ្អាកដំណើរទស្សនកិច្ចរបស់ប្រមុខការទូតMike Pompeo ទៅកាន់កូរ៉េខាងជើងដោយសំអាងហេតុផលថា លោកពុំទាន់ឃើញមានការរីកចម្រើនអ្វីចំពោះបញ្ហារំសាយនុយក្លេអ៊ែរនៅឧបទ្វីបកូរ៉េ៕
សូយន