កាលពីថ្ងៃទី១៤សីហា នាយប៉ូលិសCeleste Ayala កំពុងមានភារកិច្ចនៅមន្ទីរពេទ្យSor Maria Ludovica ប្រទេសអាហ្សង់ទីន បានឮសូរសំឡេងក្មេងយំ។នាងបានរកឃើញទារកម្នាក់កំពុងស្រែកយំយ៉ាងខ្លាំង ហើយវាមានសភាពស្គមស្គាំង ព្រមទាំងធុំក្លិនអសោច។
បន្ទាប់ពីជជែកជាមួយបុគ្គលិកមន្ទីរពេទ្យ ហើយចង់បំបៅដោះម្ដាយ។នាយប៉ូលិសរូបនេះបានសុំការអនុញ្ញាតឱ្យក្មេងបៅ មន្ទីរពេទ្យក៏យល់ព្រម។
Marcos Heredia ដែលជាមិត្តរួមអាជីពរបស់Ayala បានយកទូរស័ព្ទថតជាប់ខណៈពេលនេះ រួចបង្ហោះឡើងក្នុងបណ្ដាញសង្គម អមនឹងសំណេរថា៖«ខ្ញុំចង់ចែករំលែកកាយវិការដ៏អស្ចារ្យរបស់មិត្ដរួមអាជីពដែលបានធ្វើជាមួយក្មេងម្នាក់។នាងពុំដែលស្គាល់ ក្មេងនេះទេ ប៉ុន្ដែបានបង្ហាញនូវកាយវិការប្រៀបដូចម្ដាយ។នាងហាក់ពុំចាប់អារម្មណ៍ពីក្មេងដ៏កខ្វក់ហើយមានក្លិនអសោចនេះឡើយ។ពិតជាកាយវិការមួយដ៏កម្រជួប។
ចំណែកឯAyala បាននិយាយយ៉ាងខ្លីថា៖«ខ្ញុំឃើញក្មេងនេះវាយំ ហើយបៀមដៃ។ខ្ញុំដឹងថាវាកំពុងឃ្លានណាស់។វាពិតជារូបភាពមួយពិបាកមើលនិងធ្វើឱ្យខ្ញុំរន្ធត់ចិត្ដ។ខ្ញុំគិតថាសង្គមគួរតែចាប់អារម្មណ៍ផ្តោតអារម្មណ៍លើបញ្ហារបស់កុមារដើម្បីកុំឱ្យមានករណីរឿងស្រដឿងគ្នានេះកើតឡើង៕
លីសា