បុរសម្នាក់បានធ្វើឲ្យអ្នកលេងអ៊ីនធើរណែត សម្តែងការហួសចិត្តយ៉ាងខ្លាំង បន្ទាប់ពីបុរសរូបនេះបានព្យាយាមធ្វើសកម្មភាពមិនសមរម្យបំផុត ទៅលើមិត្តស្រីរបស់ខ្លួន ជាពិសេសនៅទីកន្លែងសាធារណៈបែបនេះ ។
កាលពីថ្ងៃទី២០ មិថុនា កន្លងទៅនេះ វីដេអូមួយដែលត្រូវបានចែករំលែកឡើងកក្រើកអ៊ីនធើរណែត បានបង្ហាញឲ្យឃើញបុរសវ័យក្មេងរូបរាងសង្ហារម្នាក់ បានចូលទៅកៀកនឹងមិត្តស្រីរបស់ខ្លួន និងចាប់ផ្តើមយកដៃរបស់គាត់លូកចូលក្នុងខោខូវប៊យត្រឹមភ្លៅរបស់នាងតែម្តង ស្ថិតនៅក្នុងស្ថានីយរថភ្លើងមួយកន្លែងនៅក្នុងប្រទេសចិន ។
ក្នុងវីដេអូ បុរសដ៏ឥតកេរ្តិ៍ខ្មាស់នេះ បានរក្សាដៃស្តាំរាវស្ទាបគូទមិត្តស្រីរបស់ខ្លួន និងនិយាយទល់មុខនាង ដោយគ្មានក្រែងរអែងភ្នែកអ្នកដទៃឡើយ ខណៈមិត្តស្រីរបស់គាត់បានព្យាយាមយកដៃរបស់នាង «ទប់ស្កាត់» សកម្មភាពលូកខ្វេះដ៏គួរឲ្យអាម៉ាស់នេះ ។
ស្របជាមួយគ្នានោះផងដែរ បុរសរូបនេះក៏ត្រូវបានឃើញបានព្យាយាមបឺតមាត់មិត្តស្រីខ្លួនចំនួន ២ ដង ខណៈនាងនៅតែយកដៃឆ្វេងរបស់នាងរារាំងសកម្មភាពលូកដៃរបស់គាត់ ទាំងអារម្មណ៍ខ្មាស់អៀនបំផុត ។
បើទោះបីបុរសជាសង្សាររបស់នាង បានដកដៃចេញក៏ដោយ ក៏នាងហាក់ដូចជានៅតែមានការព្រួយបារម្ភ និងរក្សាដៃរបស់នាងខ្ទប់គូទដដែល ៕ ចន្ទី (read01.com, khoasod)
