អ្នកបើករថយន្តក្រុងម្នាក់នៅក្នុងទីក្រុង Zhengzhou ស្ថិតក្នុងខេត្ត Henan បានជួយឲ្យមនុស្សនៅលីវចំនួន ២៣គូ រកឃើញស្នេហាពិត ដោយសារតែគាត់បានប្រើប្រាស់រថយន្តក្រុងរបស់គាត់ធ្វើជាភ្ញាក់ងារផ្សំផ្គុំ ចំពោះអ្នកនៅលីវទាំងឡាយ ហើយគំនិតរបស់គាត់នេះទទួលបានជោគជ័យយ៉ាងខ្លាំង។
លោក Yu Xi ដែលត្រូវគេស្គាល់ថាជាវេតាអាពាហ៍ពិពាហ៍ បានប្រែក្លាយរថយន្តក្រុងរបស់គាត់ទៅជាកន្លែងផ្សំផ្គុំចាប់តាំងពីឆ្នាំ ២០០៨មកម្លេះ ដោយនៅលើជញ្ជាំងរថយន្តគាត់ មានបិតជិវីប្រវត្តិរបស់អ្នកនៅលីវមួយចំនួន ដែលចង់បានដៃគូជីវិត។
ពត៌មានដែលបិតនៅលើជញ្ជាំងរថយន្តរួមមានណ ឈ្មោះពេញ រូបថត និងពត៌មានផ្ទាល់ខ្លួនដូចជា ការងារ ការអប់រំ និងចំណងចំណូលចិត្តជាដើម។ សម្រាប់បុណ្យ Qixi ឆ្នាំនេះ (បុណ្យក្តីស្រឡាញ់ចិន) ដែលគេធ្វើឡើងកាលពីខែមុន លោក Yu Xi បានសម្រេចចិត្តជ្រើសរើសរូបថតមនុស្សនៅលីវចំនួន២០នាក់ ដែលចង់ស្វែងរកស្នេហាពិត មុនបំណាច់ឆ្នាំនេះតែម្តង។ លោក ក៏បានបង្កើតក្រុមនៅក្នុង កម្មវិធី Wechat ផងដែរសម្រាប់ឲ្យភ្ញៀវរបស់គាត់។
លោក Yun Xi មានគំនិតបែបនោះគឺដោយសារតែឪពុករបស់លោកធ្លាប់ធ្វើជាអ្នកផ្សំផ្គុំនៅស្រុកកំណើតរបស់គាត់។ គំនិតគាត់បានលេចឡើយ នៅពេលកំពុងបើករថយន្ត គាត់បានលឺឪពុកម្តាយជាច្រើនបានធ្វើការត្អូញត្អែរថា កូនៗរបស់ពួកគេនៅមិនទាន់មានដៃគូទៀត។ លោកថា រថយន្តរបស់គាត់មានមនុស្សជិះជាច្រើន ដូច្នេះវាគឺជាឱកាសដ៏ល្អបំផុតសម្រាប់អ្នកនៅលីវក្មេងៗ អាចធ្វើការទំនាក់ទំនងគ្នារងដៃគូជីវិត៕ ដោយ ៖ សុភ័ក្ត្រ
ប្រភព៖ Nextshark