ខេត្តព្រះសីហនុ ៖ គ្រូពេទ្យឯកទេសមកពីសហរដ្ឋអាមេរិក និងហ្វីលីពីន បានចុះមកជួយធ្វើការវះកាត់ព្យាបាលជម្ងឺជូនពលរដ្ឋ នៅមន្ទីរពេទ្យបង្អែកខេត្តព្រះសីហនុ រយៈពេល៥ថ្ងៃ ពុំគិតប្រាក់ដោយគិតចាប់ពីថ្ងៃទី២៧ ដល់ថ្ងៃទី៣១ ខែសីហា ឆ្នាំ២០១៨។
លោកវេជ្ជបណ្ឌិត សេង ណុង ប្រធានមន្ទីរពេទ្យបង្អែកខេត្តព្រះសីហនុថ្លែងថា ក្រុមគ្រូពេទ្យបច្ចេកទេសមកពីសហរដ្ឋអាមេរិក និងហ្វីលីពីន បានមកពិនិត្យព្យាបាលដោយធ្វើការការវះជម្ងឺ ជូនប្រជាពលរដ្ឋមិនគិតប្រាក់ ក្នុងមន្ទីរពេទ្យបង្អែកខេត្ត រួមមានជម្ងឺពក ក , ឆែបមាត់, ឆ្អឹង,គ្រួសថង់ទឹកប្រម៉ាត់ , ដុំគ្រួសតម្រង់នោម,ដុំសាច់,បំពង់ក,រោគស្ត្រី និងវះកាត់ជម្ងឺផ្សេងៗមួយចំនួនទៀត។
លោកវេជ្ជបណ្ឌិតបន្តថា ពលរដ្ឋដែលចង់បានសេវាព្យាបាល និងវះកាត់នេះ សូមអញ្ជើញមកទំនាក់ទំនងជាមួយផ្នែកវះកាត់ នៃមន្ទីរពេទ្យបង្អែកខេត្ត(ពេទ្យចំការចេក) ដើម្បីអោយគ្រូពេទ្យជួយពិនិត្យព្យាបាល ពីថ្ងៃទី២៧ ខែសីហា ឆ្នាំ២០១៨ រហូតដល់ថ្ងៃទី៣១ ខែសីហា ឆ្នាំ២០១៨៕ ដោយ៖ ដែន សីមា