He Yong ជាជាងឈើម្នាក់នៅចិន បានបែកគំនិតផលិតកង់មួយគ្រឿងធ្វើពីឈើសុទ្ធ ស្អាត និងអាចធាក់បានដូចកង់ធម្មតា ។
លោក He Yong និងកង់ឈើរបស់គាត់ ។
កង់ដែលមានបណ្តោយ ១,៨ ម៉ែត្រ កម្ពស់ជិត ១ម៉ែត្រ ផលិតដោយជាងឈើវ័យ ៥៥ឆ្នាំ នៅខេត្ត Gansu ភាគនិរតីប្រទេសចិន ត្រូវបានផលិតពីដើមកៅឡាក់ ហើយប្រើពេលអស់ជាង ២ខែ (ធ្វើតែម្នាក់ឯង) ។
កែបកង់ ឈ្នាន់ កង់ ប្រព័ន្ធចនលនា… ធ្វើពីឈើសុទ្ធ ។
លោក He Yong ពោលថា ៖ “ខ្ញុំពុំមានប្រើខ្ចៅខ្ចងដែកអ្វីទាំងអស់ វាប្រើសំណល់តាមបែបប្រពៃណីនៅចិន ។ នេះជាស្នាដៃសិល្បៈមួយមានចលនាបានប៉ុណ្ណោះ។
ក្រោយការផលិតកង់ឈើដើម្បីបង្ហាញពីភាពប៉ិនប្រសប់របស់ជាងឈើចិននោះ លោក He Yong ក៏បានជិះវាចម្ងាយ ១១Km ហើយថតរូបបង្ហោះលើបណ្តាញសង្គម ។
មានអតិថិជនម្នាក់បានសុំទិញក្នុងតម្លៃ ៣០.០០០យាន់ (ប្រមាណ ៤.៤០០USD) ប៉ុន្តែលោកបានបដិសេធ ។ លោកថា វាជាមិត្តរបស់គាត់ ទុកវាគ្រាន់មាន…គ្នីគ្នា ។
ជាមួយស្នាដៃនេះ លោកនៅមានមហិច្ឆិតា កែច្នៃ អភិវឌ្ឍន៍វាឲ្យធាក់លឿនជាងកង់លោហៈទៀត ។
សង្ឃឹមថាគាត់អាចសម្រេចមហិច្ឆិតានោះបាន ៕ លីសា