ជនជាតិថៃ៦នាក់ត្រូវបានគេសង្ស័យថាបានចាយលុយកូរ៉េខាងជើងក្លែងក្លាយ ហើយប៉ូលិសប្រទេសនេះបានចាប់ខ្លួន។
ប៉ូលិសថៃបានប្រកាសថា ជនសង្ស័យ៦នាក់បានត្រូវចាប់ខ្លួននៅទីក្រុងPattaya ខេត្ដChonburi ចម្ងាយពីទីក្រុងបាងកកជាង ១០០គីឡូម៉ែត្រនិងរឹបអូសបានលុយកូរ៉េខាងជើងបាន៤២,៥លានវ៉ុន ដែលប្រហាក់ប្រហែលនឹង48.000 USD.។
ជនទាំងនេះបានសារភាពចំពោះទង្វើចាយលុយក្លែងក្លាយលើទឹកដីថៃ។
ប៉ូលិសនៅពុំទាន់បានទម្លាយនៃប្រភពលុយក្លែងក្លាយទាំងនេះទេ ប៉ុន្ដែគេឱ្យដឹងថា គេទទួលបានព័ត៌មានពីរបុរសម្នាក់ ដែលត្រូវក្រុមនេះបញ្ឆោតឱ្យលក់លុយកូរ៉េក្លែងក្លាយដែលមានតម្លៃតែពាក់កណ្ដាលប្រៀបទៅនឹងលុយពិត។ ក្រោយពេលយកវាទៅដូរនៅធនាគារទើបដឹងលុយក្លែងក្លាយ។
ថ្មីៗនេះបានលេចឮព័ត៌មានជាច្រើនអំពីករណីទុច្ចរិតទាក់ទិនដល់លុយកូរ៉េចាស់ក្នុងសហគមន៍ជនជាតិកូរ៉េខាងត្បូងនៅ ប្រទេសថៃ ហើយសមត្ថកិច្ចប្រទេសនេះកំពុងបើកការស៊ើបអង្កេត ព្រោះសង្ស័យថានេះគឺជាខ្សែរយៈជួញដូររូបិយប័ណ្ណខុសច្បាប់។
លុយកូរ៉េខាងជើងកម្រមានលើពិភពលោក ដោយហេតុថាវាមិនអនុញ្ញាតឱ្យយកចេញទៅក្រៅដែនដី។នៅប្រទេសថៃ លុយកូរ៉េខាងជើងត្រូវបានគេប្ដូរដូចជារូបិយប័ណ្ណនៅប្រទេសដទៃ ប៉ុន្ដែហាមឃាត់មិនឱ្យយកចេញផុតពីទឹកដីប្រទេសនេះ៕
លីសា