នៅថ្ងៃទី២៧សីហា នាយករដ្ឋមន្ត្រីម៉ាឡេស៊ី Mahathir Mohamad ឱ្យដឹងថា ប្រទេសនេះនឹងមិនអនុញ្ញាតឱ្យជនបរទេសទិញ បណ្ដាអចលនទ្រព្យក្នុងគ្រោងការណ៍ទីក្រុងជីវសាស្ដ្រ Forrest City ដែលមានតម្លៃដល់ទៅ១០០ពាន់លានដុល្លារ នៅរដ្ឋ Johor.ភាគខាងត្បូង។
ថ្លែងក្នុងសន្និសីទកាសែតនៅKuala Lumpur នាយករដ្ឋមន្ដ្រី Mahathir Mohamad សង្កត់ធ្ងន់ថា ទីក្រុងអនាគតនេះនឹងពុំត្រូវ បានស្វាគមន៍លក់ឱ្យជនបរទេស ហើយនឹងពុំមានជនបរទេសណាទទួលបានទិដ្ឋាការរស់នៅទីនោះឡើយ។
រដ្ឋាភិបាលបដិសេធគ្រោងការណ៍នេះ ព្រោះតែចាប់តាំងពីគ្រាដំបូងគ្រោងការណ៍នេះបានដំណើរការសំដៅទៅលើទីផ្សារជាន់ ខ្ពស់ ដែលពុំសម្រាប់ផ្ដល់ឱ្យជនជាតិម៉ាឡេស៊ីទេ ។ ព្រោះតែពលរដ្ឋម៉ាឡេស៊ីស្ទើរតែទាំងអស់ពុំមានលុយគ្រប់គ្រាន់ដើម្បីទិញផ្ទះនៅទីនេះទេ។
រដ្ឋាភិបាលរបស់លោកMahathir ដែលឈ្នះក្នុងការបោះឆ្នោតកន្លងមកគឺដោយសារគោលនយោបាយប្រឆាំងនឹងគម្រោងនេះ។លោកធ្លាប់ហៅគ្រោងការណ៍នេះនិងគ្រោងការណ៍ដទៃទៀតដែលគាំទ្រហិរញ្ញវត្ថុរបស់ចិនគឺជាសក្ខីកម្មបង្ហាញឱ្យឃើញថាម៉ាឡេស៊ីក្នុងពេលដែលរដ្ឋាភិបាលមុនកាន់អំណាចបាន«លក់ខ្លួនឯង»ឱ្យចិន។
ពលរដ្ឋម៉ាឡេស៊ីដែលរស់នៅក្នុងរដ្ឋJohor រអ៊ូរទាំថា ជនជាតិចិនដែលនាំគ្នាមកទិញអគារក្នុងគ្រោងការណ៍នេះអាចពាំនាំមកតាមនូវឥទ្ធិពលអសកម្មចំពោះបរិស្ថាន ទីផ្សារអចលនទ្រព្យនិងឥទ្ធិពលដល់វិស័យជលផលក្នុងតំបន់នេះ។គ្រោងការណ៍Forest City របស់ Country Garden Holdings Co របស់ក្រុមហ៊ុនត្រូវបានអនុវត្តន៍លើផ្ទៃដីគ្រប់គ្រាន់សម្រាប់សាងសង់ឱ្យមនុ្ស៧០០ពាន់នាក់ស្នាក់នៅ។
គ្រោងការណ៍នេះថ្វីត្បិតទើបសាងសង់រួចមួយផ្នែកតូច ប៉ុន្ដែនៅឆ្នាំ២០១៧ អតិថិជនដែលមកពីចិនចំនួន៧០ភាគរយបាន កក់លុយទិញអស់ហើយ៕
សូយន
