ក្នុងពិធីសម្ពោធដែលរៀបចំនៅទីក្រុងក្វាងចូវនៅថ្ងៃចន្ទម្សិលមិញនេះ ប្រធាននិងជានាយកប្រតិបត្ដិ Saikawa Hiroto របស់ក្រុមហ៊ុនNissan ថ្លែងថា ប្រទេសចិនកំពុងចាប់ផ្ដើមនាំមុខពិភពលោកដោយគំនិតច្នៃប្រឌិតបច្ចេកទេសថ្មី ហើយNissan នឹងលក់ប្រភេទរថយន្ដប្រើប្រាស់ថាមពលអគ្គិសនីគួរឱ្យចាប់ចិត្ដចំពោះអ្នកប្រើប្រាស់នៅប្រទេសចិន។
ក្នុងពិធីសម្ពោធនេះដែរ Nissan បានដាក់តាំងប្រភេទរថយន្ដ sedan ប្រើប្រាស់ថាមពលអគិ្គសនីអាចរត់បាន៤០គីឡូម៉ែត្រសម្រាប់ការសាកបញ្ចូលអគ្គិសនីម្ដង។Nissan នឹងចាប់ផ្ដើមលក់រថយន្ដប្រភេទនេះនៅចិននៅខែក្រោយ។
Nissan ជាក្រុមហ៊ុនជប៉ុនដំបូងដែលផលិតរថយន្ដអគ្គិសនីនៅចិន ហើយក្រុមហ៊ុន Honda ក៏នឹងចាប់ផ្ដើមផលិតរថយន្ដ អគ្គិសនីនៅចិនដែរក្នុងអំឡុងចុងឆ្នាំនេះ។ ចំណែកToyota និង Mazda ក៏នឹងចាប់ផ្ដើមផលិតរថយន្ដប្រើប្រាស់ថាមចាមពលអគ្គិសនីដូចគ្នានៅឆ្នាំ២០២០៕
សូយន
