ខេត្តព្រះសីហនុ ៖ ថ្នាក់ដឹកនាំអង្គភាពរដ្ឋករទឹក ខេត្តព្រះសីហនុ បន្តចុះត្រួតពិនិត្យសកម្មភាពការងារពន្លឿនសកម្មភាពពង្រីកបំពង់មេ មានទំហំធំ ដើម្បីបំរើតម្រូវការទឹក ជូនប្រជាពលរដ្ឋប្រើប្រាស់ ឲ្យបានប្រសើរឡើងថែមទៀត។
ប្រធានអង្គភាពរដ្ឋាករទឹកខេត្តព្រះសីហនុ លោក ផន រតនៈ បានឲ្យដឹងថា នៅរសៀលថ្ងៃច័ន្ទ ទី២៧ ខែសីហា ឆ្នាំ២០១៨នេះបានដឹកនាំក្រុមការងារបច្ចេកទេស ចុះត្រួតពិនិត្យការដ្ឋានពង្រីកបំពង់មេទំហំ ២២៥ មីលីម៉ែត្រ ប្រវែងជាង ២០០ ម៉ែត្រលើផ្លូវលេខ ១០៩ ពីចំណុចកែងផ្លូវបុរីកម្មករ (មុខផ្សារពាណិជ្ជកម្ម) មកកាន់ចំណុចកែងផ្លូវមិត្តភាព (មុខមន្ទីរទេសចរណ៍) ស្ថិតក្នុងសង្កាត់លេខ២ ក្រុងព្រះសីហនុ ខេត្តព្រះសីហនុ។
លោក ផន រតនៈ សង្កត់ធ្ងន់ថា ដើម្បីបញ្ចៀសការខ្វះខាតទឹកស្អាតប្រើប្រាស់ នៅតាមតំបន់មួយចំនួនក្នុងក្រុងព្រះសីហនុ ខណ:តម្រូវការទឹកមានការកើនឡើងខ្ពស់គួរឲ្យកត់សម្គាល់ឥតឈប់ឈរនោះ។
លោក ផន រតនៈ ប្រធានអង្គភាពរដ្ឋាករទឹក ខេត្តព្រះសីហនុ បញ្ជាក់ថា នឹងលែងមានបញ្ហារឿងទឹកទៀតហើយនៅពេលដ៏ឆាប់ខាងមុខនេះ៕ ដោយ៖ ដែន សីមា
