កំពង់ស្ពឺ ៖ កម្លាំងអធិការនគរបាលស្រុកសំរោងទង ដឹកនាំដោយ លោកវរសេនីយ៍ឯក ឃុត សុផល អធិការនគរបាលស្រុក បានដឹកនាំកម្លាំងចុះបង្ក្រាបរណីគ្រឿងញៀនដោយឃាត់ខ្លួនជនសង្ស័យចំនួន ២នាក់ នៅវេលាម៉ោង ១៣ និង ៣០នាទី ថ្ងៃទី២៧ ខែសីហា ឆ្នាំ២០១៨ នៅចំណុចភូមិធ្លក ឃុំត្រពាំងគងស្រុកសំរោងទង។
មុខសញ្ញាសង្ស័យជួញដូរដោយខុសច្បាប់នូវសារធាតុញៀន បានចំនួន ២ នាក់ ៖ ១-ឈ្មោះ យិន គីមសួ ភេទ ប្រុស អាយុ ២៨ឆ្នាំ នៅភូមិធ្លក ឃុំត្រពាំងគង ស្រុកសំរោងទង ខេត្តកំពង់ស្ពឺ ។ ២-ឈ្មោះ ចំរើន ជា ភេទ ប្រុស អាយុ ២៥ឆ្នាំ នៅព្រៃក្របៅ ឃុំព្រែកអំពិល ស្រុកអង្គស្នួល ខេត្តកណ្ដាល ។ ក្នុងប្រតិបត្តិការសមត្ថកិច្ចដកហូតបានគ្រឿងញៀនប្រភេទម៉ាទឹកកក ១៤កញ្ចប់ (១៣តូច និង ១មធ្យម) ម៉ូតូ ១ គ្រឿង និង ទូរស័ព្ទដៃ ១ គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងស្រុក កសាងសំណុំរឿងបញ្ជូនទៅការិយាល័យជំនាញខេត្ត ចាត់ការបន្តតាមនីតិវិធី៕ ដោយ ៖ បញ្ញាស័ក្តិ