នៅទីនោះពួកគេបានសាងសុភមង្គលផ្ដល់កំណើតដល់កូន៤នាក់ ចិញ្ចឹមបីបាច់រហូតធំដឹងក្ដី ។ឥឡូវពួកគាត់បន្ដរស់នៅទីនេះ តែពីរនាក់ប្រៀបដូចគ្រាដំបូង។
MLiang Zifu និងLi Suying បានរស់នៅក្នុងល្អាងភ្នំនាប្រជុំជនNanchang ខេត្តស៊ីឈួនភាគនិរតីនៃប្រទេសចិន អស់រយៈកាល៥៤ឆ្នាំមកហើយ។
ពួកគេបានចិញ្ចឹមកូន៤នាក់នៅទីនេះ ។កាលពីទើបរៀបការរួច ប្ដីប្រពន្ធទាំងពីរបានមករស់នៅក្នុងល្អាងភ្នំថ្មនេះ ព្រោះពួកគាត់មិនមានលុយសម្រាប់ទិញផ្ទះមួយរស់នៅបាន។ការអំណត់ព្យាយាម ពេលនេះផ្ទះរបស់ពួកគាត់មានបន្ទប់ដេក៣ ចង្ក្រាន១ បន្ទប់ទទួលភ្ញៀវ១ ហើយនិងទ្រុងជ្រូក១ធំផងដែរ។
ទីលានខាងមុខផ្ទះក្នុងល្អាងភ្នំរបស់ពួកគេ
ក្រោយមករដ្ឋអំណាចមូលដ្ឋានបានខិតខំបញ្ចុះបញ្ចូលឱ្យពួកគេរើទៅកាន់ទីកន្លែងមួយល្អជាង ពួកគេបានបដិសេធព្រោះទម្លាប់រស់នៅទីនេះជាងកន្លះសតវត្សមកហើយ។ពួកគាត់ថានៅទីនេះនៅរដូវក្ដៅវាត្រជាក់ជាង ហើយនៅរដូវត្រជាក់វាកក់ក្ដៅជាង។
ទោះយ៉ាងណាក៏ប្ដីប្រពន្ធវ័យចំណាស់២រូបនេះសារភាពថាពេលខ្លះពួកគាត់ក៏មានអារម្មណ៍ឯកោដោយសារកូនៗវាធំដឹងក្ដីនិងចាកចេញទៅរស់នៅកន្លែងផ្សេង។
ទោះយ៉ាងណាពេលនេះប្ដីប្រពន្ធទាំងពីរមានទូរស័ព្ទមួយសម្រាប់ទាក់ទងនឹងពិភពខាងក្រៅ ពេលទំនេរពួកគេមើលថែសត្វចិញ្វឹម និងធ្វើទឹកសណ្ដែកទុកបរិភោគដោយដៃខ្លួនឯង។
អ្នកណាថាជីវភាពនេះមិនល្អ! បើមិនជឿសូមទស្សនារូបភាពមួយចំនួនដូចខាងក្រោមរបស់តាយាយពីររូបនេះ៕
លីសា
