របាយកាណ៍មួយរបស់ Coconuts បានបញ្ចេញឲ្យដឹងថា កូននេនតូចព្រះជន្ម ៩ ព្រះវស្សា១អង្គ បានបាត់បង់ជីវិតគួរឲ្យអាសូរ បន្ទាប់នេនតូចនោះ ត្រូវបានវាយដំយ៉ាងឃោរឃៅដោយសង្ឃចាស់១អង្គ បន្ទាប់ចោទថាបានរំខានដល់ការធ្វើសមាធិ ជាមួយឥរិយាបថ «លេងសើច» ។
ប៉ូលីសនៅក្នុងប្រទេសថៃ បានឲ្យដឹងថា សង្ឃ១អង្គព្រះនាម Suphachai Suthiyano មានព្រះជន្ម ៦៤ ព្រះវស្សា បានយកដំបងប្ញស្សី វាយមកលើកូននេន១អង្គព្រះនាម Wattanapol Sisawad ច្រើនដំបង នៅឯព្រះវិហារមួយក្នុង Kanchanaburi ទីក្រុងបាងកក ប្រទេសថៃ ។
បន្ទាប់ពីវាយត្រង់ខ្នងជាច្រើនដង សង្ឃចាស់រូបនេះបន្ទាប់មក បានវាយក្បាលនេនតូចក្រីក្រខាងលើឲ្យផ្ទប់នឹងសសរទ្រូងវត្ត បណ្តាលរងរបួសលលាដ៍យ៉ាងធ្ងន់ធ្ងរ ។
លទ្ធផលនៃការប្រើអំពើហិង្សាដ៏ឃោរឃៅនេះ នេនតូចរងគ្រោះក៏បានដួលសន្លប់ និងបាត់បង់ជីវិតនៅថ្ងៃព្រហស្បតិ៍ (២៣ សីហា ២០១៨) ។ នេះបើយោងតាមបុគ្គលិកមន្ទីរពេទ្យខេត្ត Kanchanaburi ។
របាយការណ៍បានបញ្ជាក់បន្ថែមថា សង្ឃចាស់នោះត្រូវបានចាប់ខ្លួន និងចោទប្រកាន់ពីបទមនុស្សឃាត ។ បន្ទាប់ចាប់ខ្លួន សង្ឃកំណាចរូបនេះក៏ត្រូវបានផ្សឹកផងដែរ ៕ ឧត្តម (worldofbuzz)