ចំណាយត្រឹមតែ ១០យាន់ (ជិត ១,៥ដុល្លារ) ភ្ញៀវទេសចរណ៍អាចបរិភោគ “មួយទំហឹង” នៅរមណីយដ្ឋានទេសចរណ៍ល្បីល្បាញ នាខេត្តហឺណាន ។
មនុស្សរាប់ម៉ឺននាក់សម្រុកមកបរិភោគអាហារតម្លៃថោកនៅរមណីយដ្ឋានទេសចរណ៍ភ្នំម៉តតាវ ។
តាមការឧទ្ទេសនាមរបស់ចុងភៅនោះភ្ញៀវទេសចរណ៍ នឹងត្រូវបានបម្រើអាហារសម្បូរបែប ៖ ស៊ុបប្រមាណ ១០មុខ ត្រីចៀន សាច់ជ្រូកខពងទា ផ្សិតឆាជាមួយសាច់តៅហ៊ូ បន្លែសុទ្ធ… ។ មានចុងភៅប្រមាណ ២០០នាក់ និងអ្នកបម្រើ ៥០០នាក់ ចូលរួមក្នុងពិធី “មហាជប់លៀង”នេះ ។
ថ្វីត្បិតបើកទ្វារតាំងពីព្រឹកព្រលឹម តែដោយភ្ញៀវច្រើនពេកធ្វើឲ្យពិធី “ជប់លៀង” នេះអូសបន្លាយរហូតដល់យប់ជ្រៅ ។ តុអង្គុយស្ទើរតែពុំមានសល់ហើយពេលណាក៏ពេញដែរ ជាហេតុនាំឲ្យចុងភៅនិងបុគ្គលិក ត្រូវធ្វើការជាប់ដៃគ្មានពេលសម្រាក… ។
តាមការប៉ាន់ស្មាន ថ្ងៃដំបូងមានភ្ញៀវប្រមាណ ២០.០០០នាក់ បានមកបរិភោគ ។
តែ ១,៥ដុល្លារប៉ុណ្ណោះ អាចបរិភោគបាន “ម៉ាសប្បាយ” ។
ភ្នំម៉តតាវជារម្មណីយដ្ឋានដ៏ល្បីល្បាញនៅទីក្រុងលូយ៉ាង ខេត្តហឺណាន ប្រទេសចិន ក្រៅពីទេសភាពគួរឲ្យគយគន់ អាកាសធាតុត្រជាក់ និងប្រវត្តិសាស្ត្រដ៏ល្បីល្បាញ គេនៅបានដឹងថា វាជាកន្លែងបញ្ចុះសពកំពូលអ្នកប្រាជ្ញចិន Lao Tzu -ស្ថាបនិកសាសនាព្រះពុទ្ធនៅចិន ៕ ចន្ទ្រា
