ចំពោះការដែលចិនមានផែនការកសាងរោងចក្រអគ្គិសនីចល័តខ្នាតតូច(Floating Nuclear Power Plant – FNPP) នៅសមុទ្រចិនខាងត្បូង ហ្វីលីពីនប្រទេសមួយដែលស្ថិតក្នុងជម្លោះដែនដីជាមួយចិនក្នុងសមុទ្រចិនខាងត្បូងដែរនោះ កាលពីថៃ្ង២៧សីហា បានថ្លែងបដិសេធ ហើយសម្ដែងយោបល់ថានឹងមិនអនុញ្ញាតឱ្យប្រទេសណាមួយនាំយកអាវុធ ឬរោងចក្រអគ្គិសនីនុយក្លេអ៊ែរទៅកាន់តំបន់កំពុងមានជម្លោះរវាងច្រើនភាគីនៅតំបន់នោះទេ។
តាមរបាយយការណ៍មួយរបស់ក្រសួងការពារជាតិអាមេរិក ដាក់ចូលរដ្ឋសភាកាលពីថ្ងៃទី១៩សីហា បានបញ្ជាក់ថា ចិនកំពុងដំណើរការស្ថាបនារោងចក្រអគ្គិសនីនុយក្លេអ៊ែរបណ្ដែតទឹកខ្នាតតូចដើម្បីបញ្ជូនមកកាន់សមុទ្រចិនខាងត្បូង។ផែនការនេះនឹងត្រូវបានចិនអនុវត្ដន៍នៅមុនឆ្នាំ២០២០ ។
នៅថ្ងៃទី២៨សីហា លោកHarry Roque អ្នកនាំពាក្យវិមានប្រធានាធិបតីហ្វីលីពីនបានថ្លែងក្នុងសន្និសីទកាសែតថារដ្ឋធម្មនុញ្ញរបស់ហ្វីលីពីនកំណត់ថាដែនដីយើងខ្ញុំគឺគ្មាននុយក្លេអ៊ែរ ហើយបើតាមសន្ធិសញ្ញាគ្មានអាវុធនុយក្លេអ៊ែរនៅអាស៊ីអាគ្នេយ៍(SEANWFZ) នោះទាមទារឱ្យបណ្ដាប្រទេសគោរពគោលនយោបាយគ្មានអាវុធនុយក្លេអ៊ែរនេះ។
តាមកាសែតចក្រវាលរបស់ចិនបានបង្ហើបថា ប្រទេសនេះកំពុងអនុវត្តន៍គំរូរោងចក្រអគ្គិសនីនុយក្លេអ៊ែរបណ្ដែតទឹកចល័ត២គឺ៖សណ្ឋានបណ្ដែតទឹកនិងសណ្ឋានលិចក្នុងទឹក
កាសែតដដែលនូវបានឱ្យដឹងថា រោងចក្រអគ្គិសនីបណ្ដែតទឹកចល័តខ្នាតតូចគឺជាបច្ចេកវិជ្ជារបស់ចិនមានកម្មសិទ្ធិបញ្ញា ហើយការចំណាយសម្រាប់រោងចក្រនីមួយៗគឺ២០០០លានយាន់ ហើយតាមគម្រោងដែលតម្រូវឱ្យមានដល់ទៅ២០រោងចក្របែបនេះ ចិននឹងចំណាយលុយអស់៤០ពាន់លានដុល្លារ។បែបនេះវាថោកជាងច្រើនប្រៀបទៅនឹងនាវាផ្ទុកយន្ដហោះមួយ៕
សូយន