នេះជាខណៈពេលដ៏សំណាងមួយ ដែលក្មេងប្រុសម្នាក់រស់នៅភាគខាងជើងនៃប្រទេសចិន បានគ្រប់គ្រងគេចផុតពីគ្រោះថ្នាក់អាចប្រឈមនឹងការបាត់បង់ជីវិត ខណៈពេលដែលផ្ទាំងស៊ីម៉ង់ត៍បូកជញ្ជាំង របើកធ្លាក់ពីចុះពីអគារលំនៅដ្ឋានពលរដ្ឋដ៏ខ្ពស់មួយ ។
យោងតាម The Paper បានឲ្យដឹងថា ហេតុការណ៍នេះបានកើតឡើងកាលពីថ្ងៃទី១៩ ខែសីហា នៅតំបន់ Xiyinmen នៃទីក្រុង Bengbu ខេត្ត Anhui ។
នៅក្នុងវីដេអូពីកាមេរ៉ាឃ្លាំមើល ក្មេងប្រុសម្នាក់ត្រូវបានឃើញស្ទាក់ស្ទើរក្នុងការរត់ចេញអគារកំពុងមានបញ្ហា មុនពេលកម្ទេចកម្ទីសំណង់តូចៗធ្លាក់សាចចុះ និងផ្ទាំងស៊ីម៉ង់ត៍បូកជញ្ជាំងដ៏ធំៗរបើកធ្លាក់ ។
អគារនេះត្រូវបានគេរាយការណ៍ឲ្យដឹងថា ជាអគារមួយក្នុងចំណោមអគារ ៣០ ផ្សេងទៀត នៅក្នុងតំបន់នេះ ដែលក្នុងនោះ ២០ កន្លែងសម្រាប់អ្នកផ្លាស់ប្តូរទីលំនៅ និង១០កន្លែងសម្រាប់ជួល ។
ជាអកុសល ៦ អគារ ក្នុងចំណោមនោះ បានបានបង្ហាញសញ្ញានៃផ្នែកសំណង់មួយចំនួនរបស់វាបាក់រលំ ស្រដៀងៗគ្នាតែម្តង ។
លោក Wu Changfei អ្នកគ្រប់គ្រងក្រុមហ៊ុនវិនិយោគអចលនទ្រព្យជាយក្រុង Bengbu ដែលមើលការខុសត្រូវតំបន់នេះ បានប្រាប់ Anhui Net ថា អគារទាំងនេះត្រូវបានសាងសង់ដោយរដ្ឋាភិបាល សម្រាប់ជាផ្នែកមួយនៃគម្រោងសាងសង់លំនៅដ្ឋានតម្លៃសមរម្យ បានរយៈពេល ៥ ឆ្នាំ មកហើយ ។
គាត់បានសង្ស័យថា សម្ភារៈអ៊ីសូឡងរបស់ជញ្ជាំងគឺមានលក្ខណៈស្តង់ដារ ប៉ុន្តែ វាមិនអាចទប់ទល់បាននឹងការប្រែប្រួលសីតុណ្ហភាព ។
ពលរដ្ឋនៅទីនោះ ចាប់តាំងពីកើតមានបញ្ហានេះឡើង បានសម្តែងការព្រួយបារម្ភពីសុវត្តិភាពរបស់ពួកគេយ៉ាងខ្លាំង ។ ក្រុមហ៊ុនរបស់ Wu បានសន្យាថានឹងជួសជុលវាឲ្យបានឆាប់តាមដែលអាចធ្វើទៅបាន ៕ ឧត្តម (nextshark)
