ត្រីបាឡែន ដាច់កន្ទុយស្ទើពាក់កណ្តាលខ្លួនបានគេសំឡឹងឃើញវាហែលមកកៀកឆ្នេរសមុទ្រកូឡំប៊ី ។ ទោះបីឈើចាប់ខ្លាំងតែឃើញវាប្រឹងហែលជំនះទៅមុខ ។
សមាជិកម្នាក់មូលនិធិ Matuaticos (អភិរក្សសត្វសមុទ្រ) ដែលថតបានដោយចៃដន្យនូវទិដ្ឋភាពគួរឲ្យខ្លាចនេះ បាននិយាយថា មូលហេតុនាំឲ្យវាដាច់បាត់មួយផ្នែកក្រោយស្ទើរពាក់កណ្តាលខ្លួននេះ ព្រោះតែវាអាចជាប់សំណាញ់របស់ប្រជានេសាទ ហើយសំណាញ់នោះបានរឹបរួបលើខ្លួនរបស់វាទាំងស្កាត់លំហូរឈាម ធ្វើឲ្យផ្នែកនោះស្អុយរលួយ រួចដាច់ចេញតែម្តង ។
ក្រោយការទស្សនាឃ្លីបនេះ ប្រធានមូលនិធិ Matuaticos ពោលថា ៖ “ត្រីបាឡែននេះ មិនអាចរស់បន្ថែមប៉ុន្មានទៀតឡើយ ព្រោះផ្នែកកន្ទុយរបស់វាមានសារៈសំខាន់ណាស់ សម្រាប់ចលនា មុជចុះទឹកជ្រៅដើម្បីស្វែងរកចំណី” ។
មូលនិធិខាងលើកំពុងទំនាក់ទំនងអប់រំពលរដ្ឋដើម្បីទប់ស្កាត់កុំឲ្យកើតមានទិដ្ឋភាពខ្លោចផ្សាគួរឲ្យអាណិតនេះទៀត ៕ លីសា
