តាម Daily Mail ករណីបាញ់ប្រហារដោយអាវុធនេះកើតឡើងតាំងពីខែមិថុនា ប៉ុន្តែប៉ូលិសទម្លាយខ្សែវីដេអូផ្សាយជាសាធារណៈ ។
តាមនោះ ភ្នាក់ងារសង្គ្រោះ Enrico Trujullio បានប្រថុយយកខ្លួនទៅពាំងគ្រាប់ឲ្យស្ត្រីម្នាក់កំពុងទិញទំនិញក្នុងហាង ។ គាត់ប្រាប់គេហទំព័រ KRQE ក្រោយហេតុការណ៍នេះថា ៖ “ខ្ញុំឃើញមនុស្ស ២នាក់ វាយគ្នា ហើយហ្វូងមនុស្សចោមរោមមើលពីក្រៅ …ខ្ញុំក្រឡេកឃើញយុវជនម្នាក់ ឈរនៅពីក្រោយរថយន្ត ហើយកំពុងបញ្ចូលគ្រាប់កាំភ្លើង ។
“យើងខ្ញុំបានឮស្នូរផ្ទុះអាវុធ មិត្តរបស់ខ្ញុំសម្រុកចូលមុន ចំណែកខ្ញុំពេលចូលដល់ក្នុងនោះ គឺដោយសភាវៈគតិ ខ្ញុំបានស្ទុះទៅក្រាបការពារឲ្យស្ត្រីម្នាក់” ។
នៅជ្រុងម្ខាងទៀត បុរសម្នាក់ក៏បានយកខ្លួន ឱបក្មេង ២នាក់ ខណៈពេលដែលគ្រាប់កាំភ្លើងបាញ់សំដៅកន្លែងពួកគេ ។
ចុងក្រោយគ្រាប់កាំភ្លើងពុំបានសម្លាប់វរៈជនទាំង ២រូបនេះទេ ។ ចំណែកជន ២នាក់ ដែលបាញ់ប្រហារគ្នា ក៏ត្រូវចាប់ខ្លួន តែគេពុំបង្ហាញអត្តសញ្ញាណឡើយ ៕ ចន្ទ្រា
ការផ្ទុះអាវុធស្ថិតនៅខាងក្រៅហាងទំនិញមួយនៅរដ្ឋ New Mexico ។
