បុរសម្នាក់រួមជាមួយសត្វឆ្កែរងរបួសរបស់គាត់ បានបង្កជាហេតុការណ៍ភ្ញាក់ផ្អើលមួយ បន្ទាប់ពីបានធ្វើព្យុះភ្លៀងនៅបន្ទប់សង្គ្រោះបន្ទាន់ នៃមន្ទីរពេទ្យមួយនៅភាគខាងត្បូងប្រទេសចិន ដោយទាមទារឲ្យគ្រូពេទ្យត្រូវតែព្យាបាលឆ្កែរបស់របស់គាត់ជាប្រញាប់ ។
ហេតុការណ៍នេះបានកើតឡើងនៅវេលាម៉ោង ៤ ទៀបភ្លឺថ្ងៃទី២៦ ខែសីហា នៅមន្ទីរពេទ្យមួយនៅ Nanning តំបន់ស្វយ័ត Guangxi Zhuang ។
ក្នុងវីដេអូឃ្លីប បុរសម្នាក់ត្រូវបានឃើញចាប់ក្របួច និងថតគ្រូពេទ្យម្នាក់កំពុងបំពេញកតព្វកិច្ច ដែលបានបដិសេធព្យាបាលសត្វឆ្កែរងរបួសរបស់គាត់ទេ ។
ទោះបីគ្រូពេទ្យបានពន្យល់ថា នេះពុំមែនជាមន្ទីរពេទ្យសម្រាប់សត្វយ៉ាងណាក៏ដោយ ក៏បុរសរូបនេះនៅតែទទួចថា ឆ្កែរបស់គាត់ត្រូវតែត្រូវបានត្រួតពិនិត្យ ហើយថា គាត់នឹងឲ្យគ្រូពេទ្យនោះទទួលខុសត្រូវ ប្រសិនបើសត្វឆ្កែរបស់គាត់ងាប់ ។
នៅទីបំផុត សន្តិសុខមន្ទីរពេទ្យក៏បានមកដល់ និងទាញបុរសរូបនេះចេញពីបរិវេណ ។
ខណៈត្រូវបាននាំចេញខាងក្រៅ បុរសនេះបានគំរាមសម្លាប់គ្រូពេទ្យនោះទៀតផង, នេះបើយោងតាម Chongqing Morning Post ។
ស្ថានភាពរបស់ឆ្កែនោះគេក៏ពុំដឹងច្បាស់នោះទេ ប៉ុន្តែ គិលានុបដ្ឋាយិកាម្នាក់បានរាយការណ៍ថា សត្វនេះបានបង្ហាញឲ្យឃើញរងរបួសដាច់ជើងរបស់វាស្រាលប៉ុណ្ណោះ ៕ ឧត្តម (nextshark)