កងទ័ពភូមានិងបណ្ដាសមត្ថកិច្ចពាក់ព័ន្ធកំពុងស្វែងរកវិធីដើម្បីទៅដល់ផ្ទះមនុស្សរាប់ពាន់នាក់ដែលកំពុងជាប់គាំង ក្រោយ ពេលដែលទំនប់ទឹកមួយទ្រាំទ្រលែងបាននឹងសម្ពាធទឹកដោយសារភ្លៀងធំច្រើនមេផ្ទួនៗគ្នាធើ្វឱ្យធ្លុះធ្លាយកាលពី ព្រឹកព្រលឹមថ្ងៃទី២៩ ខែសីហា។
បរិមាណទឹកដ៏ធំសម្បើមមួយបានហូរសម្រុកចុះមកតំបន់វាលរាបជនបទ នៅតំបន់Bago ក្រោយពេលដែលទ្វារទំនប់ទឹក Swar Chaung, បានត្រូវបាក់រលំនោះ។
តាម AFP ពលរដ្ឋមួយចំនួននៅភូមិ Kayin ត្រូវលុយទឹកត្រឹមដើមទ្រូងឆ្ពោះសំដៅទៅតំបន់ទីទួល។ប៉ុន្ដែមនុស្សមួយចំនួន ដទៃទៀតនៅជាប់គាំងក្នុងផ្ទះដែលបានលិចប្រហែលពាក់កណ្ដាល ខណៈពេលដែលក្រុមសង្គ្រោះបានធ្វើការពេញមួយយប់ដើម្បីបញ្ជូនពលរដ្ឋទៅកាន់ទីសុវត្ថិភាព។
គេនៅពុំទាន់មានរបាយការណ៍អំពីចំនួនអ្នកស្លាប់ ឬរបួសឡើយ គ្រាន់តែដឹងថាមានមនុស្សជាង១២.៦០០នាក់ត្រូវបានបញ្ជូនឱ្យទៅរស់នៅក្នុងជំរំបណ្ដោះអាសន្ន។
តាមមន្ដ្រីនៃក្រសួងសុខមាលភាពសង្គម Phyu Lae Lae Tun មានមនុស្សជាង១៤.០០០គ្រួសារ ចំនួនប្រមាណជា៦៣.០០០នាក់បានរងឥទ្ធិពលដោយសារទឹកជំនន់។
លំហូរទឹកដ៏ខ្លាំងបានធ្វើឱ្យរយះកំណាត់ផ្លូវYangon-Mandalay, ដែលជាសរសៃឈាមសំខាន់តភ្ជាប់ទីក្រុងធំបំផុត២របស់ ប្រទេសនេះ។
អនុរដ្ឋមន្ដ្រីក្រសួងសំណង់ Kyaw Linnឱ្យដឹងថា បណ្ដាសសរស្ពានកំពុងលិចបាត់ក្នុងទឹក ហើយអ្នកមុជទឹកកំពុងដំណើរការ ពិនិត្យមើលសសរស្ពានទាំងនោះ៕
សូយន
