អនុរដ្ឋមន្ដ្រីការបរទេសជប៉ុនTakeo Akiba នៅថ្ងៃទី២៩ខែសីហា ឱ្យដឹងថា លោកបានធ្វើការជាមួយមន្ដ្រីនៅប៉េកាំង ដើម្បី ពិភាក្សាឯកភាពគ្នាអំពីការរៀបចំដំណើរទស្សនកិច្ចរបស់លោកShinzo Abe ទៅកាន់ប្រទេសចិន ដែលអាចនឹងប្រព្រឹត្តទៅ នៅខែវិច្ឆិកាខាងមុខ។
ថ្លែងទៅកាន់អ្នកសារព័ត៌មានក្រោយជំនួបជាមួយប្រមុខការទូតចិន លោក Akiba បានបង្ហើបថា ជប៉ុននិងចិនកំពុងប្រឹងប្រែងរៀបចំដំណើរទស្សនកិច្ចផ្លូវការរបស់នាយករដ្ឋមន្ដ្រីជប៉ុនទៅកាន់ប្រទេសចិន។ប៉ុន្ដែពេលនេះនៅពុំទាន់អាចបញ្ជាក់ច្បាស់អំពីពេលវេលានៅឡើយទេ។
ប្រសិនបើអ្វីៗប្រព្រឹត្តទៅតាមគម្រោងការណ៍ នេះគឺជាលើកដំបូងហើយគិតតាំងពីខែធ្នូ ឆ្នាំ២០១១ ដែលនាយករដ្ឋមន្ដ្រី ជប៉ុនទើបធ្វើទស្សនកិច្ចផ្លូវការនៅចិន៕
លីសា