Daily Mail បានទម្លាយចេញព័ត៌មាននេះនៅថ្ងៃទី២៩ ខែសីហា។ តាមនោះ ក្រសួងយុត្តិធម៌អូស្ដ្រាលីសារភាពថាមាន ទណ្ឌិតស្រីរាប់សិបនាក់ក្នុងពន្ធនាគារក្នុងតំបន់ Greenoughភាគខាងជើងទីក្រុងPerth ត្រូវបានផ្ដល់ថ្នាំពន្យារកំណើត បន្ទាប់មានអំពើហិង្សាចលាចលមួយអូសបន្លាយ២ម៉ោង។
គណៈគ្រប់គ្រងពន្ធនាគារនៅតែសម្រេចចិត្ដផ្ដល់ឱសថនេះ ទោះបីជាបណ្ដាទណ្ឌិតប្រុសបានសម្រុកចូលកន្លែងឃុំឃាំងពួកគេក្ដី ហើយទណ្ឌិតស្រីពួកគេពុំបានរងការចាប់រំលោភទេ។
មន្ដ្រីពន្ធនាគារសហព័ន្ធអូស្ដ្រាលីPaul Ledingham បានបដិសេធមិនឆ្លើយតបចំពោះសំណួរថាតើមានកើតឡើងការរំលោភផ្លូវភេទក្នុងអំឡុងពេលហិង្សាចលាចលនោះដែរឬទេ។ លោកPaul គ្រាន់តែនិយាយថា«ប្រសិនបើអ្នកប្រទះនឹងស្ថានការណ៍អូសបន្លាយប្រមាណ១០ទៅ១២ម៉ោងក្នុងពន្ធនាគារមួយដែលមានបុរសនិងនារីនោះ គេនឹងគិតថាមានរឿងអ្វីអាចកើតឡើង»។
នៅក្នុងអំពើហិង្សាចលចលនេះទណ្ឌិតស្រីម្នាក់បានទាក់ទងជាមួយ Channel Seven News ដោយទូរស័ព្ទក្នុងការិយាល័យក្នុងពេលដែលទណ្ឌិតប្រុសបានធ្វើការសម្រុកចូលថា ស្ដ្រីមួយចំនួនពិតជាភ័យខ្លាច ព្រោះមាន បុរសៗដែលទឹកមុខកាចសាហាវកំពុងរត់ចុះរត់ឡើង៕
សូយន
