តាម CNN «គោលនយោបាយកូនទោល»ត្រូវបានអនុវត្ដន៍តាំងពីឆ្នាំ១៩៧៩ ក្រោយមកនៅឆ្នាំ២០១៥ ទើបគេប្តូរមកអនុវត្តន៍គោលនយោបាយកូន២ ឥឡូវនេះគេកំពុងធ្វើការកែទម្រង់ច្បាប់ស៊ីវិលដែលក្នុងនោះអាចអនុញ្ញាតឱ្យមានកូនច្រើន។
តាមសេចក្ដីប្រកាសយ៉ាងខ្លីមួយពីគណៈកម្មាធិការប្រជាជនចិន ច្បាប់ថ្មីនេះអាចមិនទាក់ទងអ្វីដល់ការកំណត់ចំនួនកូនទៀតឡើយ។យ៉ាងណាក៏ការធ្វើវិសោធនកម្មនេះអាចនឹងចប់បានក្នុងអំឡុងខែមីនាឆ្នាំ២០២០។
កាសែតស៊ីនហួ របស់ចិនកាលពីថ្ងៃទី១៤ខែសីហា ធ្លាប់បាននិយាយអំពីបញ្ហាខាងលើក្រោមប្រធានបទ«មូលនិធិបង្កើតកូន» ក្នុងនោះមានលើកឡើងថា ពលរដ្ឋក្នុងវ័យ៤០ឆ្នាំមិនថាប្រុសឬស្រី តែគ្មានកូន ទាមទារត្រូវបង់វិភាគទាន ហើយអ្នកដែលមាន កូនចាប់ពី២ឡើងនឹងទទួលបានប្រាក់ឧបត្ថម្ភ ចំណែកអ្នកដែលមានកូនត្រឹម២ចុះគឺបានទទួលលុយពីបេឡាមូលនិធិនេះគ្រា ដែលខ្លួនចូលនិវត្តន៍ប៉ុណ្ណោះ។
ក្នុងកាសែតរបស់រដ្ឋមួយទៀតរបស់ចិន គឺកាសែតប្រជាជនក៏បានចុះផ្សាយអត្ថបទមួយក្រោមចំណងជើងថា«បង្កើតកូន១ជាបញ្ហាគ្រួសារតែក៏ជាបញ្ហាជាតិដែរ»។ ប៉ុន្ដែដើម្បីប្តូរទម្រង់ក្រាហ្វិកអត្រានុកូលដ្ឋាន នោះបញ្ហាបង្កើតកូនគឺជាបញ្ហាជាតិ ។កាសែតនេះនូវបានសរសេរថាប្រសិនបើចង់អនុវត្តន៍បានតុល្យភាពវ័យក្នុងសង្គមចិននោះគប្បីមានគោលនយោបាយច្បាស់លាស់ ជាអាទិ៍ចំពោះអ្នកមានកូនច្រើននឹងត្រូវបានកាត់បន្ថយពន្ធ លើកលែង ថែទាំក្មេង របបសម្រាកសម្រាប់ពេលមានគភ៌និងបង្កើតកូន ព្រមទាំងជំនួយឧបត្ថម្ភផ្សេងៗទៀតក្នុងការងាររបស់ស្ដ្រីក្រោយពេលសម្រាលកូន៕
លីសា