នេះចាត់ទុកជាវិធីឆ្លាតមួយ ដែលយុវជនម្នាក់ចេះរកនឹកឃើញ ក្នុងការប្រើប្រាស់កំប៉ុងភេសជ្ជៈ ដាក់ភ្ជាប់ទៅនឹងដុំម៉ូទ័រកង្ហារ ដើម្បីមូរស្រោបសរសៃអំបោះបានយ៉ាងងាយ ។
យុវជនម្នាក់ឈ្មោះ Jonathan Pacheco អាយុ ១៨ ឆ្នាំ បានបង្កើតគំនិតច្នៃប្រឌិតនេះឡើង តាមរយៈវិធីដ៏ឆ្លាតប្រើកង្ហារចាស់ នៅឯផ្ទះរបស់គាត់ នៅក្នុង Rio de Janerio ស្ថិតនៅភាគខាងត្បូងនៃប្រទេសប្រេស៊ីល កាលពីថ្ងៃទី១៤ កក្កដា កន្លងទៅនេះ ។
នៅក្នុងវីដេអូ Janathan បានភ្ជាប់កំប៉ុងភេសជ្ជៈប្រើប្រាស់រួច ដាក់ស៊កទៅនឹងដុំម៉ូទ័រកង្ហារចាស់របស់គាត់ និងបន្ទាប់មក ទាញសរសៃអំបោះមកភ្ជាប់វា រួចបើកកង្ហារក្នុងល្បឿនអតិមរមា ដែលសកម្មភាពនេះមើលទៅដូចនឹងការប្រើប្រាស់ឧបករណ៍រមូរអំបោះនៃផ្នែកតម្បាញប្រពៃណីអីចឹងដែរ ៕ ចន្ទី
