បណ្តាកីឡាការិនីលើកដុំដែកកូរ៉េខាងជើងនឹងទទួលបានពានរង្វាន់ធម ហើយក៏ត្រូវបានចា់ទុកជាវរជនជាតិ ព្រោះបានធ្វើឲ្យប្រទេសមានមុខមានមាត់ ។
កីឡាការិនីលើកដុំដែកកូរ៉េខាងជើង Rim Jong-sim ដណ្តើមបានពានរង្វាន់មេដាយមាស ក្នុងវិញ្ញាសារលើកដុំដែកសម្រាប់ទម្ងន់ ៧៥គីឡូក្រាម ។
តាម AFP នោះគ្រូបង្វឹកក្រុមលើកដុំដែករបស់កូរ៉េខាងជើង Kim Kwang-dok បានឲ្យដឹងនៅថ្ងៃទី ២៧ ខែសីហានេះថា “ជ័យលាភីមេដាយមាស ដែលបានធ្វើឲ្យប្រទេសជាតិមានមុខមានមាត់នឹងទទួលបានរង្វាន់ផ្ទះ ១ និងរថយន្តថ្មី១គ្រឿង” ។
ក្រុមកីឡាករលើកដុំដែកកូរ៉េខាងជើង ដណ្តើមបានមេដាយមាស ៨ ស្មើនឹង៣/៤ នៃមេដាយមាសសរុបនៅ Asiad 18 គិតត្រឹមថ្ងៃទី ២៨ ខែសីហា ។
O Kang-chol អ្នកដណ្តើមបានមេដាយមាសវិញ្ញាសារលើកដុំដែកបុរសសម្រាប់ទម្ងន់ ៦៩ kg ចែករំលែកថា ៖ ខ្ញុំនឹងទៅកាន់ផ្នូររបស់ម្តាយខ្ញុំ ដើម្បី “កាដូជូនគាត់នូវមេដាយមាសនេះ”។
កីឡាករ Om Yun-chol ថែមទាំងបានអរគុណដល់អ្នកកាំទ្រកូរ៉េខាងត្បូង ដែលបានជួយលើកទឹកចិត្តលោក ក្នុងការដណ្តើមបានមេដាយមាសទម្ងន់ ៥៦ kg ។ លោកថា “ការគាំទ្រយ៉ាងសកម្មរបស់អ្នកគាំទ្រមកពីកូរ៉េខាងត្បូង ជាប្រភពថាមពលធំមួយសម្រាប់ខ្ញុំ” ខណៈពេលដែលនៅ Asiad មុន Om គ្រាន់តែអរគុនដល់មេដឹកនាំ Kim Jong-un ប៉ុណ្ណោះ ។
លោក Kim Kwang-dok ដែលជាប្រធានក្រុមកីឡាករលើកដុំដែកប្រាប់ថា ៖ “បណ្តាកីឡាករ កីឡាការិនី នឹងត្រូវបានចាត់ទុកដូចជាវរជនជាតិ ពេលវិលត្រឡប់ទៅវិញ ហើយនឹងទទួលបានចំណាប់អារម្មណ៍ធំធេងពីពលរដ្ឋ ។ មនុស្សទាំងឡាយពិតជាមានមោទនភាព ! ។ ប្រការនេះក៏មានន័យថា ពួកគេនឹងចាក់ផុតពីភាពក្រីក្រ អត់ឃ្លាន ។
តាមអ្នកជំនាញការនោះ លក្ខណៈពិសេសរបស់ពលរដ្ឋកូរ៉េខាងជើង ដែលមានប្រព័ន្ធរាងកាយសមស្របនឹងការលើកដុំដែក ៖ ជើងខ្លីៗ ខ្នងវែងធំ ហើយមិនសូវជាខ្ពស់ ។
មុននេះ នៅ Asiad 17 ឆ្នាំ ២០១៤ កូរ៉េខាងជើងទទួលបានមេដាយមាសតែ ៤ប៉ុណ្ណោះ ៕ ចន្ទ្រា