ភ្នំពេញ៖ ពិធីតាំងពិព័រណ៍ខែតុលា នៅទីក្រុងហុងកុង របស់ Comasia ត្រូវបានរំពឹងទុកជាគោលដៅស្វែងរកប្រភពទំនិញ ដ៏ល្អបំផុតសម្រាប់អ្នកជំនួញ និងអ្នកទិញពីប្រទេសកម្ពុជា ដោយវានឹងដាក់បង្ហាញនូវផលិតផល ផលិតនៅអាស៊ី ដែលមានគុណភាពខ្ពស់ និងរចនាបថសម្បូរបែបជាច្រើនប្រភេទ រួមមានគ្រឿងបរិក្ខារផ្ទះ សម្ភារក្មេងលេង កាដូអនុស្សាវរីយ៍គ្រឿងតុបតែងខ្លួននិងសម្ភារផ្គត់ផ្គង់តម្រូវការរស់នៅផ្សេងៗ។
ក្នុងសន្និសីទសារព័ត៌មាន ថ្ងៃទី៣០ ខែសីហា ឆ្នាំ២០១៨ នៅភោជនីយដ្ឋានខេមាឡាប៉ុស្តិ៍ ស្តីពីកម្មវិធីតាំងពិព័រណ៍ផលិតផលទាំង 7 របស់ Comasia ដែលនឹងប្រព្រឹត្តទៅនៅទីតាំងរួមគ្នា ក្នុងពេលឆាប់ៗនេះ នឹងបំពេញនូវរាល់តម្រូវការទំនិញគ្រប់ប្រភេទរបស់កម្ពុជា។
ឥឡូវនេះពិព័រណ៍ប្រចាំឆ្នាំមួយនេះបានក្លាយជាកម្មវិធីអចិន្ត្រៃយ៍ ក្នុងការស្វែងរកប្រភពទំនិញក្នុងសរទរដូវនៃប្រទេសចិនខាងត្បូងសម្រាប់អ្នកទិញទាំងនៅអាស៊ីនិងទូទាំងសកលលោក។
ពាក់ព័ន្ធនឹងព័ត៌មានសំខាន់ខ្លះៗអំពីពិធីតាំងពិព័រណ៍ដែលនឹងប្រព្រឹត្តទៅក្នុងពេលឆាប់ៗនេះលោក Ajinveat Vhongthong ជាអ្នកគ្រប់គ្រងគម្រោងការងារជាន់ខ្ពស់នៃក្រុមហ៊ុន N.C.C. Exhibition Organizer Co., Ltd. (NEO) បានថ្លែងថា ពួកយើងជាអ្នកជំនាញឯកទេស ខាងរៀបចំពិធីតាំងពិព័រណ៍នៅក្នុងប្រទេសថៃ តាំងពីឆ្នាំ 2004 មកម្ល៉េះហើយជាក្រុមហ៊ុនបុត្រសម្ព័ន្ធនៃ NCC គ្រុប ដែលជាប្រតិបត្តិករនៃមជ្ឈមណ្ឌលសន្និបាតនិងពិព័រណ៍របស់ព្រះមហាក្សត្រយានី Sirikit (Queen Sirikit National and Convention Centre) ហើយក៏ជាផ្នែកមួយនៃ TCC គ្រុបដែលជាម្ចាស់នៃយីហោល្បីល្បាញដូចជាស្រាបៀរឆាង ផ្សារទំនើប Big C និងជំនួញអាជីវកម្មជាច្រើនទៀតនៅក្នុងប្រទេសថៃ តំបន់អាស៊ាន និងជុំវិញពិភពលោក។ NEO គឺជាក្រុមហ៊ុនផ្សព្វផ្សាយផ្នែកទីផ្សារដែលត្រូវបានជ្រើសតាំងដោយ COMASIA ដើម្បីផ្សព្វផ្សាយកម្មវិធីខែតុលា ទៅកាន់អ្នកនាំចូលទំនិញពីប្រទេសកម្ពុជា ឡាវ មីយ៉ាន់ម៉ា វៀតណាម ថៃ សឹង្ហបុរី និងម៉ាឡេស៊ី។
លោកបន្តថា កម្មវិធីប្រចាំឆ្នាំក្នុងខែតុលារបស់ពួកយើង ដែលនឹងប្រព្រឹត្តទៅក្នុងពេលឆាប់ៗនេះ គឺជាពិធីតាំងពិព័រណ៍ដ៏សំខាន់បំផុត មួយ ដែលតែងប្រារព្ធធ្វើក្នុងខែតុលា ជារៀងរាល់ឆ្នាំ រួមមានពិធីតាំងពិព័រណ៍វត្ថុអនុស្សាវរីយ៍ និងកាដូពិសេសៗ របស់អាស៊ីពិធីតាំងពិព័រណ៍គ្រឿងបរិក្ខារផ្ទះ និងផ្ទះបាយរបស់អាស៊ី ពិធីតាំងពិព័រណ៍សម្ភារក្មេងលេង និងហ្គេមកម្សាន្តរបស់អាស៊ី ពិធីតាំងពិព័រណ៍របស់របរសម្រាប់ពិធីបុណ្យជាតិ បុណ្យណូអែល និងតាមរដូវកាលរបស់អាសុ ពិធីតាំងពិព័រណ៍វត្ថុអនុស្សាវរីយ៍ និងគ្រឿងបរិក្ខារធ្វើដំណើររបស់អាស៊ី ពិធីតាំងពិព័រណ៍សម្ភារការិយាល័យរបស់អាស៊ី និងពិធីតាំងពិព័រណ៍គ្រឿងបរិក្ខារបន្ទប់ទឹកនិងអនាម័យរបស់អាស៊ី។
លោក បានបន្តថា ComAsia គឺជាក្រុមហ៊ុនដែលមានទីតាំងនៅទីក្រុងហុងកុង ជាមួយនឹងវេទិកាតាំងពិព័រណ៍ផ្សេងៗនៅទីក្រុងហុងកុង ប៊ែកឡាំង ប៉ារីស និងថៃ សម្រាប់អ្នកទិញនិងអ្នកផលិតអន្តរជាតិ រួមមានសម្ភារៈក្មេងលេង វត្ថុអនុស្សាវរីយ៏ កាដូពិសេសៗគ្រឿងបរិក្ខារផ្ទះ ក្រណាត់ និងសំលៀកបំពាក់ជាដើម។ ក្នុងអំឡុងពេល 26 ឆ្នាំកន្លងមកនេះ COMASIA បានក្លាយជាមជ្ឈមណ្ឌល ស្វែងរកប្រភពទំនិញដ៏សំខាន់ជាងគេ សម្រាប់ផលិតផលផលិតនៅអាស៊ី។ ទំនិញទាំង 7 ប្រភេទរបស់ពួកយើងអនុញ្ញាតឲ្យអ្នកទិញមានភាពងាយស្រួលក្នុងការស្វែងរកប្រភពទំនិញ និងចំណាញពេលកាន់តែច្រើន នៅឯកម្មវិធីរបស់ពួកយើង។
លោក បានបន្ថែមថា ក្នុងឆ្នាំ 2017 ពួកយើងបានបង្ហាញនូវអ្នកតាំងពិពណ៌អន្តរជាតិសរុបចំនួន 4.085នាក់ ជាមួយស្តង់ពិព័រណ៍ជាង5.315 តូបពី 33 ប្រទេស (ចាប់ផ្តើមពីចំនួនតែ 200 ស្តង់ប៉ុណ្ណោះកាលពីកម្មវិធីលើកទីមួយ) ហើយបានស្វាគមន៍អ្នកទិញអន្តរជាតិជាង 50.000 នាក់ពី 147 ប្រទេសពីផ្នែកផ្សេងគ្នានៃពិភពលោក ឧទាហរណ៍ដូចជាសហរដ្ឋអាមេរិក ទ្វីបអឺរ៉ុប ប្រទេសជប៉ុន បណ្តាប្រទេសក្នុងអាស៊ីអាគ្នេយ៍ និងផ្នែកផ្សេងទៀតនៃពិភពលោក ក៏ដូចជាប្រទេសចិន និងហុងកុងផងដែរ។ ក្នុងឆ្នាំ 2017 ពួកយើងបានស្វាគមន៏ភ្ញៀវ ចូលរួមចំនួន 3.126 នាក់ពីបណ្តាប្រទេសអាស៊ានទាំងឡាយ។
ដែលមួយចំនួនធំនៃអ្នកទិញគឺជាអ្នកនាំចូលទំនិញ អ្នកចែកចាយទំនិញ អ្នកបោះដុំទំនិញ ក្រុមហ៊ុនទិញទំនិញ និងអ្នកផលិតទំនិញ។ក្នុងឆ្នាំនេះកម្មវិធីរបស់ពួកយើងនឹងប្រារព្ធធ្វើក្នុងអំឡុងថ្ងៃទី 20-23 ខែតុលា សម្រាប់វត្ថុអនុស្សាវរីយ៍ ប្រដាប់ប្រដាក្មេងលេង សម្ភារៈការិយាល័យ គ្រឿងបរិក្ខារបន្ទប់ទឹកអនាម័យ និងវត្ថុផ្សេងៗទៀត។ កម្មវិធីនេះត្រូវបានរៀបចំដោយ Idea Trade Limited និងគ្រប់គ្រងដោយ COMASIA ជាមួយនឹងតម្លៃ 100 ដុល្លារហុងកុង សម្រាប់ការចុះឈ្មោះចូលរួមកម្មវិធីថ្ងៃទី 20-23 ខែតុលា ប៉ុន្តែអ្នកទិញដែលបានចុះឈ្មោះមុន នឹងទទួលបាននូវការផ្តល់ជូនពិសេស។ សម្រាប់កម្មវិធីថ្ងៃទី 27-29 ខែតុលា អ្នកនឹងអាចចូលរួមបានដោយឥតគិតថ្លៃ។ ពួកយើងនឹងធ្វើការបង្ហាញម្តងទៀតនូវអ្នកតាំងពិពណ៌ពីជាង 30 ប្រទេសនិងតំបន់។
ដើម្បីឲ្យលោកអ្នកយល់កាន់ច្បាស់ អំពីអ្នកតាំងពិព័រណ៍របស់ពួកយើងក្នុងឆ្នាំនេះ វានឹងមាននូវអ្នកតាំងពិព័រណ៍ជាង 4.050 នាក់ជាមួយស្តង់ពិព័រណ៍ជាង 5.360 តូប ដែលក្នុងនោះចំនួន 800 ស្តង់គឺសុទ្ធតែជាអ្នកតាំងពិព័រណ៍ថ្មី។ ទាំងនេះគឺជាអ្នកតាំងពិព័រណ៍អន្តរជាតិមួយចំនួន ដែលនឹងបង្ហាញខ្លួន នៅឯកម្មវិធីរបស់ពួកយើង ក្នុងពេលឆាប់ៗនេះ ជាមួយការរចនាម៉ូតផលិតផល កាន់តែមានភាពល្អប្រសើរនិងមានគុណភាពខ្ពស់។
ក្នុងឆ្នាំ 2018 នេះ មកទល់នឹងថ្ងៃទី 20 ខែសីហា មានមនុស្សជាង 14.375 នាក់ទៅហើយដែលបានចុះឈ្មោះចូលរួមកម្មវិធី ក្នុងនោះមានអ្នកទិញចំនួន 2.058 នាក់មកពីតំបន់អាស៊ានដែលបានចុះឈ្មោះចូលរួមកម្មវិធីនេះ ។ សម្រាប់ឆ្នាំ 2018 នេះគឺជាគំរូខ្លះៗនៃអ្នកទិញអន្តរជាតិដែលបានចុះឈ្មោះរួមសម្រាប់ ការចូលរួមនេះ គឺជាក្រុមហ៊ុនអាស៊ានទាំងឡាយដែលបានចូលរួមក្នុងឆ្នាំ 2017។ ហើយនេះគឺជាក្រុមហ៊ុនអាស៊ានមួយចំនួនដែលបានចុះឈ្មោះចូលរួមកម្មវិធីសម្រាប់ឆ្នាំនេះ កម្ពុជាគឺជាប្រទេសដែលមានការរីកចម្រើន លូតលាស់យ៉ាងលឿនបំផុតមួយ ក្នុងពិភពលោក ជាមួយនឹងការកើនឡើង ជាប្រចាំនៃអត្រាផលិតផលក្នុងស្រុកសរុប ហើយជាប្រទេសជាប់ចំណាត់ថ្នាក់លេខ 6 ជាមួយការកើនឡើងមធ្យមនៃអត្រាផលិតផលក្នុងស្រុកសរុបចំនួន 7,6ភាគរយ។ ទីផ្សារលក់រាយរបស់ប្រទេសកម្ពុជា កំពុងមានការរីកចម្រើនយ៉ាងខ្លាំង ជាមួយផ្សារទំនើបជាច្រើន កំពុងតម្រង់ជួរសម្រាប់ការបើកសម្ពោធក្នុងឆ្នាំ 2018 ជាពិសេសនៅទីក្រុងភ្នំពេញ ឧទាហរណ៍ដូចជាផ្សារទំនើបអ៊ីអន និងផ្សារទំនើបផាកសុន ដែលមានការទទួលស្គាល់យ៉ាងខ្លាំង ពីសំណាក់ប្រជាជនទូទៅ។ ផ្សារទំនើបអ៊ីអន គឺជាឧទាហរណ៍ល្អមួយ ដោយវាបានក្លាយជាវេទិកាពាណិជ្ជកម្ម សម្រាប់អតិថិជនដែលស្វែងរកទំនិញពីយីហោអន្តរជាតិ ដែលមានគុណភាពនិងផលិតផល ដែលនាំឲ្យមានតម្រូវការកាន់តែច្រើន ក្នុងទីផ្សារលក់រាយទាំងឡាយនៅក្នុងប្រទេស។
កម្មវិធីរបស់ពួកយើង គឺជាពិធីតាំងពិព័រណ៍ទំនិញធំជាងគេបង្អស់ នៅអាស៊ីដែលប្រព្រឹត្តទៅនៅទីក្រុងហុងកុង ហើយជាវេទិកាដ៏ល្អបំផុត សម្រាប់ដាក់បង្ហាញផលិតផលផលិត នៅអាស៊ី រីឯអ្នកទិញអាចស្វែងរកនូវទំនិញ ដែលទើបនឹងចេញមុខ លើទីផ្សារដែលមានភាពសម្បូរបែបទាន់សម័យ និងអាចរកចំណូលបានខ្ពស់។ កម្មវិធីរបស់ពួកយើងមាន កាលបរិច្ឆេទដ៏ល្អឥតខ្ចោះ សម្រាប់អ្នកទិញអន្តរជាតិក្នុងការស្វែងរកប្រភពទំនិញក្នុង សរទរដូវនៅក្នុងអាស៊ី និងប្រទេសចិនខាងត្បូង។ អ្នកទិញជាង 49,000នាក់ពីជុំវិញពិភពលោកត្រូវបានរំពឹងទុកថានឹងចូលរួមកម្មវិធីក្នុងឆ្នាំនេះ។ បន្ថែមពីលើអ្វីដែលពួកយើងបានរៀបរាប់ ក្នុងឆ្នាំនេះពួកយើងស្វាគមន៍អ្នកពិព័រណ៍ ទំនិញពីជាង 30 ប្រទេស និងមានការបែងចែកទីតាំងពិព័រណ៍ទៅជា 8 ប្រទេសក្នុងតំបន់អាស៊ី។ រីឯអ្នកទិញក៏អាចជាវទំនិញក្នុងកម្រិតតូចមួយ ដើម្បីសាកល្បងទីផ្សារសិន ហើយការធ្វើដំណើរទៅទីក្រុងហុងកុងមានភាពងាយស្រួលខ្លាំង សម្រាប់អ្នកជនជាតិអាស៊ី ដោយប្រទេសភាគច្រើន មិនត្រូវការវីសាដើម្បី ធ្វើដំណើរទៅទីក្រុងហុងកុងឡើយ។
អ្នកទិញនឹងអាចស្វែងរកបាននូវទំនិញ ដែលមានការរចនាម៉ូតដ៏អស្ចារ្យ គុណភាពខ្ពស់ និងតម្លៃសមរម្យពីប្រទេសជាច្រើនមិនត្រឹមតែចិនឡើយ ឧទាហរណ៍ដូចជា ហុងកុង តៃវ៉ាន់ រៀតណាម ហ្វីលីពីន បង់ក្លាដេស កូរ៉េខាងត្បូង ឥណ្ឌា ថៃ តួកគី និងប្រទេសផ្សេងៗជាច្រើនទៀត។ ខែតុលាគឺជារដូវកាលស្វែងរក ប្រភពទំនិញដ៏ល្អបំផុត សម្រាប់អ្នកទិញទាំងអស់ ដោយពួកគេអាចបន្តដំណើរទិញទំនិញ របស់ពួកគេ បន្ទាប់ពីកម្មវិធីរបស់ពួកយើង ទៅកាន់កម្មវិធី Canton Fair ដំណាក់កាលពី 2 ។
ក្នុងអំឡុងពេលនេះ អ្នកទិញអាចជួបជាមួយសហគ្រាសផលិតជាង 10,000 ក្រុមហ៊ុនក្នុងអំឡុងដំណើរពិព័រណ៍ទំនិញចំនួន 10-12 ថ្ងៃនេះ។ ពួកយើងក៏មាននូវអត្ថប្រយោជន៍ផ្សេងៗជាច្រើនទៀត ដែលនឹងធ្វើការផ្តល់ជូនដល់អ្នកចូលរួម។
ពួកយើងមានកម្មវិធីផ្តល់ជូនពិសេស ជាមួយទឹកប្រាក់ជាង 4,600 ដុល្លារហុងកុង ស្មើនឹង 2,3 លានរៀល អត្រាស្នាក់នៅសណ្ឋាគារពិសេស អត្រាតម្លៃយន្តហោះពិសេសពី Cathay Pacific សេវាកម្មដឹកជញ្ជូនពីព្រលានយន្តហោះ និងការចូលទៅកាន់កន្លែងសម្រាកដោយឥតគិតថ្លៃក្នុងអំឡុងកម្មវិធី។ នេះគឺជាតួលេខខ្លះៗសម្រាប់កម្មវិធីផ្តល់ជូនពិសេសសម្រាប់អ្នកទិញ។ អ្នកទិញនៅក្រៅប្រទេស នឹងអាចទទួលបានទឹកប្រាក់ជាង 415.090 រៀល ក្នុងថ្ងៃចូលរួមដំបូង និង 518.870រៀលនៅថ្ងៃទីពីរ ។ ក្នុងឆ្នាំ 2017 អ្នកទិញពីក្រៅប្រទេសជាង 900 នាក់បានចូលរួមក្នុងកម្មវិធីផ្តល់ជូនពិសេសមួយនេះ។ របៀបចូលរួមក្នុងកម្មវិធីនេះ គឺគ្រាន់តែអ្នកចុះឈ្មោះលើវ៉េបសាយរបស់ពួកយើង ដើម្បីទទួលបានលិខិតអនុញ្ញាតនិងបញ្ជាក់ពីក្រុមការងាររៀបចំកម្មវិធី ចូលរួមក្នុងកម្មវិធី និងទទួលបានទឹកប្រាក់ឧបត្ថម្ភទៅឯទីតាំងកម្មវិធីផ្ទាល់។ ពួកយើងសូមថ្លែងអំណរគុណដល់ចំណាប់អារម្មណ៏ទាំងអស់ ហើយពួកយើងនឹងរង់ចាំស្វាគមន៏អ្នកទិញទំនិញ អ្នកនាំចូលទំនិញ និងអ្នកលក់រាយទាំងឡាយមកកាន់កម្មវិធីក្នុងខែតុលារបស់ពួកយើងក្នុងឆ្នាំ 2018 នេះ។
ជួបគ្នានៅទីក្រុងហុងកុង។
កម្ពុជាគឺជាប្រទេសដែលមានសេដ្ឋកិច្ចលូតលាស់លឿនបំផុតលំដាប់ទីប្រាំមួយក្នុងពិភពលោកជាមួយការកើនឡើង GDP ចំនួនប្រាំបីដងក្នុងអំឡុងពេលពីរទសវត្សចុងក្រោយនេះរហូតដល់ 22,16 ពាន់លានដុល្លារក្នុងឆ្នាំ 2017។ ជាមួយនឹងចំនួនប្រជាជនជាង 16,2 លាននាក់ ការកើនឡើងចំណូល ដែលអាចប្រើប្រាស់បាន និងការលេចឡើង កាន់តែច្រើននូវប្រជាជនថ្នាក់កណ្តាល អតិថិជនក
ម្ពុជា កាន់តែច្រើនឡើងបានចាប់ផ្តើមជ្រើសយកផលិតផលដែលមានគុណភាពខ្ពស់។
តម្រូវការអតិថិជនដែលកាន់តែកើនឡើងរបស់ប្រទេសកម្ពុជាក៏បានឆ្លុះបញ្ចាំងឲ្យឃើញនៅក្នុងតួលេខនាំចូលរបស់ប្រទេសផងដែរ។ ក្នុងឆ្នាំ 2016 ប្រទេសកម្ពុជាបាននាំចូលទំនិញដែលមានតម្លៃសរុបជាង 14,5 ពាន់លានដុល្លារ ដែលជាការកើនឡើងចំនួន 5,3% ប្រៀបធៀបនឹង 10,5 ពាន់លានដុល្លារក្នុងឆ្នាំ 2011។ ក្នុងចំណោមប្រទេសនាំចូលធំជាងគេទាំង 10 ចំនួនប្រាំបួនគឺមកពីប្រទេសជិតខាងនៅអាស៊ី រួមមាន ចិន ថៃ វៀតណាម សឹង្ហបុរី ជប៉ុន ហុងកុង កូរ៉េខាងត្បូង ឥណ្ឌូនេស៊ី និងម៉ាឡេស៊ី។
ទាក់ទងនឹងប្រភេទផលិតផល ការនាំចូលគ្រឿងបរិក្ខារផ្ទះ គ្រឿងសង្ហារឹមនិងប្រដាប់ប្រដាផ្ទះបាយបាន កើនឡើងយ៉ាងឆាប់រហ័សពីចំនួន 85,9 លានដុល្លារ (74,3%) ក្នុងឆ្នាំ 2016 ទៅឆ្នាំ 2017 (សរុបចំនួន 201,4 លានដុល្លារ) ខណៈពេលដែលសម្ភារៈក្មេងលេងនិងហ្គេមកំសាន្តបានកើនឡើងពី 19,4 ពាន់លាន ដុល្លារក្នុងឆ្នាំ 2016 ទៅកាន់ 23,2 លានដុល្លារក្នុងឆ្នាំ 2017។ កំណើនបន្តត្រូវបានរំពឹងទុកសម្រាប់ឆ្នាំ 2018។
អ្នកអាចចុះឈ្មោះមុនសម្រាប់ការចូលរួមដើម្បីទទួលបាននូវប័ណ្ណចូលរួមដោយឥតគិតថ្លៃតាមរយៈគេហទំព័រ ៖
www.asiangnp.com
www.asianhnk.com
www.asiantng.com
www.asianchristmas.com
www.asianstationeryshow.com
www.asiansnb.com
www.asiangnt.com៕ ដោយ៖កូឡាប