នេះជាផ្ទាំងទស្សនីយភាពដ៏គួរឲ្យកត់សម្គាល់មួយ គ្រាដែលសត្វក្របីប្រហែល ៣០០ ក្បាល បានធ្វើដំណើរឆ្លងកាត់ទន្លេ Jialing ស្ថិតនៅភាគខាងត្បូងចិន ដើម្បីពួកវាអាចបានស៊ីស្មៅនៅលើកោះមួយ ។
វីដេអូឃ្លីបត្រូវបានថតនៅក្នុងទីក្រុង Nanchong ក្នុងខេត្ត Sichuan កាលពីថ្ងៃទី១៦ សីហា បានបង្ហាញសត្វក្របីរាប់រយក្បាល បាននាំគ្នាចុះទឹក និងហែលតម្រៀបជួរគ្នាយ៉ាងរៀបរយ ឆ្លងកាត់ទន្លេ ដើម្បីឆ្ពោះទៅកាន់កោះ នៅព្រឹកព្រលឹម ។
យោងតាមរបាយការណ៍ បាតុភូតនេះបានកើតឡើងជារៀងរាល់ថ្ងៃ រវាងខែមេសា និងតុលា ហើយសត្វក្របីទាំងអស់នោះ ពួកវានឹងហែលត្រឡប់មកដីគោកវិញនៅពេលព្រលប់ បន្ទាប់ពីស៊ីស្មៅឆ្អែត ៕ ចន្ទី (Liveleak)