នាង Emma នៅអង់គ្លេស មានទម្ងន់ ១៥ kg ក្នុងពេលដែលស្វាមីរបស់គាត់មានទម្ងន់ត្រឹម ៥៧kg ប៉ុណ្ណោះ ។ បើនិយាយពីទម្ងន់នោះគម្លាតរវាងពួកគេពិតជា “ដាច់ឆ្ងាយ” ប៉ុន្តែដោយក្តីស្រឡាញ់ផ្តើមបេះដូងធ្វើឲ្យរវាងពួកគេ ពុំមានគម្លាតអ្វីទាំងអស់ ។
Emma អាយុ 30ឆ្នាំ និង Stuart Grundy អាយុ ៣២ឆ្នាំ នៅ Hyde (Manchester) បានចាប់ចិត្ត ហើយរស់នៅជាមួយគ្នាតាំងពីវ័យជំទង់ ។ ពួកគេមានកូន ៣នាក់ (ពី១ឆ្នាំដល់៨ឆ្នាំ) ហើយទើបរៀបការរជាមួយគ្នាបាន…២ឆ្នាំប៉ុណ្ណោះ ។
ស្ត្រីជាម្តាយរបស់កូន៣នាក់នេះពោល ៖ “ខ្ញុំតែងធាត់ជាងបង Stuart ហើយគម្លាត “ទម្ងន់” កាន់តែដាច់ឆ្ងាយពេលខ្ញុំមានកូនមក” ។ វេលាដែលទម្ងន់ខ្ពស់បំផុតគឺ ១៧១kg ខណៈពេលដែលលោកប្តីពុំដែលឡើងហួសពី… ៦០kg ឡើយ ។
Stuart ប្រាប់ថា គាត់ត្រូវបាន Emma “ស្រូបព្រលឹង” ព្រោះចរិតរួសរាយពេលជួបគ្នាដំបូងនៅផ្សារទំនើប១ក្នុងតំបន់ ហើយគាត់ពុំដែលចាប់អារម្មណ៍អ្វីលើខ្លួនប្រាណ “ធាត់ធំ” របស់ Emma ទេ ។
ចំណែក Emma វិញថា ៖ នាងត្រូវបាន Staurt អន្ទងព្រលឹងព្រោះភាព “កំសាក” របស់គាត់ ។ នាងជាអ្នកផ្តើមជជែក រួចក៏…ជាប់គ្នាប្រឡេះលែងចេញតែម្តង ។
Stuart សរសើរភរិយាថា ៖ នាងពិតជារាក់ទាក់ ហើយចរិកពុំដែលចេះប្រែប្រួល ។ ទម្ងន់របស់នាងគ្មានឥទ្ធិពលអ្វីចំពោះស្នេហារបស់យើងទេ ។ ពេលវេលាធ្វើឲ្យយើងកាន់តែស្រឡាញ់គ្នា ។
Emma វិញបញ្ជាក់ថា ខ្លួនពុំអាច “ស្គមបាន” ឡើយ ។ ពុំគួរលើកតម្កើងក្នុងភាពរើសអើងថា ធាត់ឬស្គម ឬទើបស្អាត ។ សំខាន់គឺចិត្តរបស់យើងទេ ដែលធ្វើឲ្យយើងមានសុភមង្គលនោះ! ៕ លីសា