ក្រសួងការបរទេសអាមេរិក នៅថ្ងៃទី៣០សីហា បានប្រកាសឱ្យដឹងពីការសម្រេចចិត្ដពន្យារពេលបន្ថែម១ឆ្នាំទៀតចំពោះ បទបញ្ជាហាមឃាត់ពលរដ្ឋប្រទេសនេះទៅកាន់កូរ៉េខាងជើង ព្រោះបារម្ភមានការចាប់ឃាត់ខ្លួន។
បទបញ្ជាហាមឃាត់មុននោះ ត្រូវបានអនុវត្ដន៍ពីថ្ងៃទី១ ខែកញ្ញឆ្នាំ២០១៧ ហើយនឹងអស់សុពលភាពនៅថ្ងៃទី៣១ ខែសីហា២០១៨។ប៉ុន្ដែក្រសួងការបរទេសអាមេរិកបានពន្យារពេលបទបញ្ជាហាម ឃាត់នេះដល់ថ្ងៃទី៣១សីហា២០១៩ ព្រោះតែបារម្ភចំពោះបញ្ហាពលរដ្ឋប្រទេសនេះអាចត្រូវឃាត់ខ្លួនរយៈពេលវែងនៅ កូរ៉េខាងជើង។
ប្រការដែលគួរឱ្យកត់សម្គាល់នោះ ហេតុការណ៍នេះបានកើតឡើងចំពេលដែលកិច្ចចរចាអំពីដំណើរការរំសាយ នុយក្លេអ៊ែរវាងភាគីទាំងសងខាងមានសញ្ញាជួបឧបសគ្គ ក្រោយជំនួបកំពូលជាប្រវត្តិសាស្ដ្ររវាងប្រធានាធិបតីអាមេរិក Donald Trump និងមេដឹកនាំកូរ៉េខាងជើង Kim Jong-នៅសិង្ហបុរី។
ម្យ៉ាងទៀតនៅអំឡុងសប្ដាហ៍កន្លងមក ប្រធានាធិបតី Trump ក៏បានចេញបញ្ជាឱ្យលុបចោលភ្លាមៗដំណើរទស្សនកិច្ចរបស់ ប្រមុខការទូត Mike Pompeo ក្រោមហេតុផលថា ពុំទាន់ឃើញមានសញ្ញារីកចម្រើនគ្របគ្រាន់ក្នុងការរំសាយអាវុធនុយក្លេអ៊េរ របស់កូរ៉េខាងជើង៕
សូយន