បណ្ដានាវានេសាទអង់គ្លេសនិងបារាំងបានផ្ទុះឡើងនូវការប៉ះទង្គិចយ៉ាងខ្លាំងក្លាមួយផ្ដើមចេញពីការដណ្ដើមលៀសសមុទ្រ នៅតំបន់ច្រកសមុទ្រជាប់ប្រទេសទាំងពីរជិតឈូងសមុទ្រSeine។
តាមAFPនៅថ្ងៃទី៣០សីហានេះឱ្យដឹងថា មាននាវានេសាទបាងរាំង៥០គ្រឿងបានហ៊ុមព័ទ្ធនិងវាយលុកទៅលើនាវានេសាទ៥គ្រឿងរបស់អង់គ្លេស ខណៈពេលដែលនាវាអង់គ្លេសទាំងនោះបានធ្វើការនេសាទនៅតំបន់សមុទ្រសម្បូរទៅដោយលៀសសមុទ្រ(scallop) នៅជិតឈូងសមុទ្រSeine ។
រដ្ឋមន្ដ្រីបរិស្ថានអង់គ្លេស Michael Gove និយាយថា បណ្ដានាវានេសាទអង់គ្លេសកំពុងធ្វើនេសាទខុសច្បាប់។
តាមរូបភាពដែល Channel France 3 Normandie ទូរទស្សន៍ថតបាន បានបង្ហាញឱ្យឃើញនាវាទាំងសងខាងបានបើកបំបុកគ្នា ហើយមាននាវាយ៉ាងតិច៣គ្រឿងបានធ្លុះធ្លាយ។ប្រជានេសាទបារាំងនូវបានគប់គ្រាប់បែកផ្សែងទៅលើនាវាអង់គ្លេស និងស្រែកជេរខ្លាំងៗថែមទៀត។
ព្រោះតែកម្លាំងខ្សោយជាងគេ ទើបនាវាអង់គ្លេសទាំងនោះបានដកថយចេញពីតំបន់នោះ។យ៉ាងណាក្ដីពុំមានអ្នករងរបួសក្នុងព្រឹត្ដិការណ៍នេះទេ។
តាម Reuters ភាពតានតឹងរវាងប្រជានេសាទអង់គ្លេសនិងបារាំងអូសបន្លាយ១៥ឆ្នាំហើយ ត្រូវបានគេនិយមហៅថា«សង្គ្រាមលៀសសមុទ្រ»៕
លីសា
