ក្រុមមន្ត្រីនៅក្នុងព្រឹត្តិការណ៍ «US Open» ត្រូវបានមហាជនដែលមានការហួសចិត្តដាក់ឈ្មោះឲ្យថា «អ្នកប្រកាន់ភេទ» បន្ទាប់ពីបានផ្តល់នូវការរំលោភបំពានច្បាប់មួយ ដល់កីឡាការិនី Alize Cornet ដោយឲ្យស្លៀកពាក់ត្រឹមត្រូវឡើងវិញ ក្នុងករណីនាងពាក់អាវខាងខុស នៅលើទីលានប្រកួត ។
កីឡាការិនីសញ្ជាតិបារាំងរូបនេះ ដែលកំពុងប្រឈមមុខជាមួយកីឡាការិនីស្វីស នាង Johanna Larsson នៅក្នុងទីក្រុង New York បានកំពុងវិលត្រឡប់ទៅកាន់ទីលានប្រកួតវីញ បន្ទាប់ពីសម្រាកឲ្យត្រជាក់ខ្លួនរយៈពេលខ្លី ដោយសាររងទទួលពីសីតុណ្ហភាពឡើងខ្ពស់ពេក នៅពេលនោះ នាងបង្ហាញធ្វើឲ្យគេកត់សម្គាល់ឃើញថា អាវរបស់នាងត្រូវបានពាក់បញ្ច្រាស (ខ្នងត្រឡប់ទៅខាងមុខ) ។ ងាកខ្លួនចេញពីការតាមចាប់របស់កាមេរ៉ាតាមប្រមាញ់ Cornet បានលាត់អាវឡើង និងបង្វិលវាឲ្យត្រឹមត្រូវបាន ។
យោងតាមច្បាប់សមាគមន៍កីឡាតិន្និសពិភពលោក នោះកីឡាការិនីទាំងអស់ ពុំអាចផ្លាស់ប្តូរសម្លៀកបំពាក់របស់ពួកគេ ខណៈកំពុងស្ថិតនៅលើទីលានប្រកួតទេ បើទោះបីបុរសអាចធ្វើបាន ដែលនាំមនុស្សចូលរួមនៅក្នុងប្រព័ន្ធផ្សព្វផ្សាយសង្គម រិះគន់ច្បាប់នេះថាគួរឲ្យអស់សំណើច និង«អ្នកប្រកាន់ភេទ» ៕ ចន្ទី (ladbible)