បុរសសញ្ជាតិចិនម្នាក់ បានទៅកាន់មន្ទីរពេទ្យក្រោយបេលលោករងការឈឺចាប់នៅត្រចៀកយ៉ាងខ្លាំង ព្រោះតែសង្សារបានថើបត្រចៀកខ្លាំងៗមុននោះ ។
ហេតុការណ៍នេះកើតឡើងគ្រាគូស្នេហ៍វ័យក្មេង១គូនេះរួមគ្នានៅបន្ទប់សង្គ្រោះបន្ទាន់ នៅមន្ទីរពេទ្យនាទីក្រុង Chang Sha ខេត្តហ៊ូណាន ប្រទេសចិន ។ ពេលទៅដល់មន្ទីរពេទ្យ បុរសរូបនេះ ប្រាប់គ្រូពេទ្យថា ខ្លួនមានការចុកចាប់ត្រង់ត្រចៀកយ៉ាងខ្លាំង
បុរសរូបនេះ ត្រូវធ្លុះក្រដាសត្រចៀក ក្រោយការថើបខ្លាំងៗរបស់សង្សារ។
ដំបូងអ្នកទាំងពីរ អល់អែកពុំហ៊ានប្រាប់ពេទ្យពីមូលហេតុដែលកើតមុននោះ អាចបណ្តាលឲ្យបុរសនេះឈឺត្រចៀក ប៉ុន្តែក្រោយពេទ្យប្រាប់ថា នេះជារឿងសំខាន់ ជួយឲ្យការព្យាបាល ឆាប់ជាសះស្បើយនោះទើបភាគីស្រីសារភាពថា ហេតុការណ៍នេះកើតឡើងបន្ទាប់ពីនាងបានថើមខ្លាំងៗលើ… ត្រចៀករបស់សង្សារខ្លួន ។
ក្រោយការពិនិត្យគ្រូពេទ្យពិតជាស្រឡាំងកាំង ព្រោះពុំនឹកស្មានថា ការថើបរបស់នារីនេះអាចធ្វើឲ្យធ្លុះក្រដាសត្រចៀករបស់សង្សារបាន ។ គេក៏ធ្វើការដេរផ្ជិតមុខរបួសនៅក្រដាសត្រចៀក ហើយផ្តល់ការដាស់តឿន ត្រូវប្រយ័ត្នប្រយែងបន្តិច កុំតាម “កំហឹង” នៃ… ។
ក្រុមគ្រូពេទ្យពោលថា គ្រោះថ្នាក់ក្នុងរឿង “ស្នេហា” ច្រើនមែន តែករណីនេះប្រហែលជាលើកទី១ហើយ ៕ លីសា