កាលពីព្រឹកមួយ បុរសម្នាក់ឈ្មោះ Vadim Rustam បានលឺសម្លេងស្រែកយំគួរឲ្យអាណិតរបស់ឆ្កែអនាថាមួយក្បាលនៅបរិវេណផ្ទះរបស់គាត់។ គាត់ក៏បានស្វែងរកវា ប៉ុន្តែរកមិនទាន់ទាល់តែសោះ។
ប្រហែលជា ២ថ្ងៃកន្លងផុតទៅ គាត់នៅតែលឺសម្លេងថ្ងូរយំ និងព្រូស ហើយគាត់ក៏គិតថា អាចមានអ្វី មិនស្រួលកើតឡើងហើយ ដូច្នេះគាត់ក៏បន្តស្វែងរកតាមសម្លេងនោះ រហូតបានដឹងថា មានឆ្កែមួយយំចេញពីក្រោមដី ក្នុងបរិវេណផ្ទះគាត់។
លោក Vadim បានដឹងថា មានឆ្កែមួយក្បាលជាប់នៅក្រោមឥដ្ឋនៅក្នុងទីធ្លាមុខផ្ទះគាត់។ គាត់បានសុំឲ្យមន្ត្រីមូលដ្ឋានជួយសង្គ្រោះវា ប៉ុន្តែពួកគេមិនអើពើសោះ ដូច្នេះគាត់សម្រេចចិត្តធ្វើវាដោយខ្លួនឯង។
គាត់បានសម្រេចចិត្តគាស់ឥដ្ឋនៅមុខផ្ទះចេញជាច្រើនដុំ និងបានកាយបារខ្សាច់ចេញយ៉ាងច្រើន ទើបគាត់បានឃើញឆ្កែមួយក្បាលនៅក្នុងនោះ ហើយឆ្កែនោះកំពុងតែមានផើមទៀតផង។
ឆ្កែនោះបានធ្លាក់ចូលក្នុងរន្ធដៅ នៅពេលនាងរត់នៅម្តុំផ្ទះគាត់ ហើយនាងត្រូវបានក្រុមកម្មករ សាងសាងមិនអើពើ ហើយថែមទាំងជួសជុល និងក្រាលឥដ្ឋលើរូងរបស់នាងទៀត។
បើតាមវីដេអូ ឆ្កែនោះហាក់សប្បាយចិត្តណាស់ នៅពេលបានបុរសខាងលើជួយសង្គ្រោះនាងឲ្យចេញមកក្រៅ ប៉ុន្តែជាសំណាងមិនល្អ នាងបានរលូតកូនទៅហើយ ដោយសារតែនាងមិនមានអាហារ និងទឹកផឹកអស់រយៈពេលជាច្រើនថ្ងៃ៕ សុភ័ក្ត្រ
ប្រភពៈ Good Times