ទម្លាប់ប្រចាំថ្ងៃ និងរបបអាហារដែលអ្នកទទួលទានរាល់ថ្ងៃអាចប៉ះពាល់ទៅដល់ការរស់នៅរបស់អ្នក។ បើអ្នកទទួលអាហារផ្តល់សុខភាពល្អ អ្នកនឹងអាចរស់នៅបានអាយុវែង ហើយអាហារមួយចំនួននឹងមិនធ្វើឲ្យអ្នកមានសុខភាពល្អនោះទេ។
ប្រសិនជាអ្នកមិនចង់មានអាយុខ្លីទេ អ្នកគួរតែចៀសឲ្យឆ្ងាយពីទម្លាប់ទាំងឡាយខាងក្រោមនេះ៖
1. សាច់ អ្នកមិនគួរញ៉ាំច្រើនហួសកំណត់នោះទេ ព្រោះវាអាចធ្វើឲ្យអ្នកលើសជាតិខ្លាញ់ ដែលអាចធ្វើឲ្យប៉ះពាល់ដល់សុខភាពអ្នកខ្លាំងណាស់ គឺគ្រោះថ្នាក់គ្រប់ផ្នែកតែម្តង។
2. អាហារបំពង បើអ្នកពិសារច្រើន អ្នកនឹងអាចប្រឈមមុខនឹងជំងឺមហារីកមុនគេ មិនថាមហារីកផ្នែកណាទេ អ្នកសុទ្ធតែងាយជួបប្រទះទាំងអស់។ ដូចនេះ មិនថាអ្នកឃ្លានញ៉ាំយ៉ាងណាទេ មិនគួរបរិភោគច្រើនឡើយ។
3. នៅពេលដែលអ្នកចម្អិនម្ហូប អ្នកត្រូវតែបើកម៉ាស៊ីនប៊ឺតផ្សែងទាំងនោះចេញឲ្យអស់ពីផ្ទះបាយអ្នក ព្រោះផ្សែងទាំងនោះប្រៀបដូចជាផ្សែងបារី ដែលអាចឆក់យកជីវិតអ្នកគ្រប់ពេល។
4. បើអ្នកតែងតែចូលគេងយប់ជ្រៅ ហើយគេមិនគ្រប់ អ្នកនឹងងាយប្រឈមមុខនឹងជំងឺលើសសម្ពាធឈាម ជំងឺបេះដូង ខ្យល់គរ ឬធាត់ជាដើម។ ដូចនេះ មិនថាការងារអ្នកកម្រិតណាទេ អ្នកគួរតែគេងឲ្យគ្រប់ម៉ោង ទើបអាចថែរក្សាសុខភាពបានល្អ។
5. ទឹក គឺសំខាន់ជាទីបំផុតសម្រាប់មនុស្សគ្រប់គ្នា ព្រោះបើបុគ្គលម្នាក់ខ្វះជាតិទឹក នោះនឹងអាចប្រឈមមុខនឹងគ្រោះថ្នាក់ខ្ពស់។ ដូចនេះ មិនថាអ្នករវល់យ៉ាងណាទេ អ្នកគួរតែពិសារទឹកឲ្យបានច្រើន។
6. អ្នកមិនគួរគេងក្នុងបន្ទប់ងងឹតលេងទូរស័ព្ទឡើយ ព្រោះវាមិនត្រឹមតែអាចប៉ះពាល់ដល់ភ្នែកអ្នក ថែមទាំងអាចប៉ះពាល់ដល់សុខភាពអ្នកទៀតផង។ ដូចនេះ អ្នកគួរតែបិទទូរស័ព្ទមុនពេលចូលគេងចំនួនកន្លះម៉ោង៕ សុភ័ក្ត្រ
ប្រភព៖ flashsante.info
