ហេតុការណ៍កើតឡើងនៅថ្ងៃទី ២៩ ខែសីហា កន្លងមក ពេលដែលក្មេងស្រីអាយុ ១២ឆ្នាំម្នាក់ កំពុងអង្គុយក្នុងហាងកាហ្វេអ៊ិនធើណែតជាមួយមិត្តភក្តិ ២-៣នាក់ ដើម្បីរង់ចាំម្តាយមីង ហ្វូតូកូពីឯកសារ នាទីក្រុង Caloocan ប្រទេសហ្វីលីពីន ។
ជនកើតរោគចិត្តបានឆ្លៀតឱកាសដែលហាងនេះស្ងប់ស្ងាត់ ។
ក្នុងវីដេអូគេឃើញបុរសម្នាក់ភ្នែកក្រឡឺតក្រឡាប់ សំឡឹងមើលជុំវិញរួចក៏ឱនចុះ ចាប់ទាញសកនាងតូចទៅក្រោយ ហើយថើបញក់ញីតែម្តង ។
តាម Mirror ជនដៃដល់បន្ទាប់ក៏ប្រញាប់រត់គេចចេញ បន្ទាប់ពីក្មេងស្រីនោះប្រឹងច្រានចេញទាំងភ័យតក់ស្លុត ហើយស្រែកយំ ។
ពេលម្តាយមកដល់មិនយូរប៉ុន្មានក្រោយមក ក៏រាយការណ៍ប្រាប់ប៉ូលិស ។ គាត់ប្រាប់ថា កូនស្រីគាត់កំពុងរង់ចាំម្តាយមីងវាថតឯកសារ ស្រាប់តែរងទទួលនូវហេតុការណ៍អាក្រក់នេះ ប្អូនស្រីខ្ញុំបានប្រឹងដេញតាមស្រែកឲ្យគេចាប់វា ។
ប៉ូលិសបានថតយករូបភាពជននេះ ក្នុងកាមេរ៉ា រួចបោះពុម្ពជាខិត្តប័ណ្ណ មានលេខទូរស័ព្ទប៉ូលិស ដើម្បីតាមស្វែងរកចាប់ខ្លួនជនល្មើស ។ ប៉ូលិសឲ្យដឹងទៀតថា គេទទួលបានរបាយការណ៍ពីរឿងនេះ តែនៅពុំទាន់ក្របួចបានជនល្មើសនៅឡើយទេ ៕ ចន្ទ្រា