Khadija ក្មេងស្រីអាយុ ១៧ឆ្នាំ សញ្ជាតិ ម៉ារ៉ុក បានត្រូវគេចាប់ជំរិត រួចលក់ឲ្យក្រុមសង្គមងងឹត ។ នាងត្រូវពួកវាចាប់រំលោភ សាក់ពេញខ្លួនយ៉ាងឃោរឃៅ អស់រយៈពេល ១២ខែ រួចគ្រវាត់ចោលតាមផ្លូវដូច “សំរាម” ។
ដៃ ជើង ខ្លួនប្រាណរបស់នាងពោរពេញដោយស្នាមសាក់ និងស្មានឆេះដោយពួកវា អុចនឹងកន្ទុយបារី ។ ពេលមើលវីដេអូនោះ ពលរដ្ឋម៉ារ៉ុកពិតជាផ្ទុះកំហឹង ស្រែកអំពាវនាវដល់សមត្ថកិច្ច ឲ្យចាប់ពួកនេះយកមកកាត់ទោស ធ្ងន់ធ្ងរបំផុត ។
នាង Khadija គួរឲ្យអាណិតគ្រារងទារុណកម្មពីពួកបាតសង្គម ។
នាងត្រូវបានពួកវាគ្រវែងចោលតាមផ្លូវប្រៀបដូចសំរាម បន្ទាប់ពីវាធ្វើបាបឆ្អែតឆ្អន់ ។ នាងបានប្រាប់អ្នកយកព័ត៌មានទូរទស្សន៍ពីសប្តាហ៍មុនថា ៖ ពួកវាបានរំលោភនាងជាបន្តបន្ទាប់ យកបារីមកអុចលើខ្លួនប្រាណនាង បង្អត់អាហារ ថែមទាំងមិនឲ្យនាងងូតទឹកផង ។
រូបសាក់លើកំភួនជើងនាង ។
ឥឡូវនេះ ជនល្មើស ១២នាក់ ត្រូវបានចាប់ខ្លួន ៣នាក់នៅពុំទាន់រកឃើញ ហើយនៅថ្ងៃទី ៦ ខែកញ្ញាខាងមុខ នឹងមានយុទ្ធនាការធំមួយ ដើម្បីរុករកចាប់ខ្លួនពួកយង់ឃ្នងទាំងនេះឲ្យបាន ។
ពេលនេះមានហត្ថលេខារបស់មនុស្ស ៧៥.០០០នាក់ អំពាវនាវដល់អាជ្ញាធរឲ្យដោះស្រាយរឿងនេះ ដល់ទីបញ្ចប់ នឹងបើកចំហទុកជាការប្រដៅចំពោះឧក្រិដ្ឋជន និងជាមេរៀនសម្រាប់អ្នកជាអាណាព្យាបាល គប្បីប្រុងប្រយ័ត្ន ៕ ចន្ទ្រា
