ចោរប្លន់សញ្ជាតិវៀតណាមក្នុងវ័យចន្លោះពី២០ទៅ៣០ឆ្នាំ កំពុងជិះរថយន្ដ ធ្វើដំណើរលើ BKE បានពើបប្រទះនឹងកម្លាំង ប៉ូលិសល្បាតនៅវេលាម៉ោង៤និង៥០នាទី ថ្ងៃទី៣០សីហា កន្លងមក។
ពេលឃើញរថយន្ដប៉ូលិស រថយន្ដសង្ស័យនោះបានបង្កើនល្បឿនយ៉ាងលឿន ហើយថយន្ដប៉ូលិសប្រដេញតាម ហើយចុងក្រោយបានកាត់ពីមុខរថយន្ដនេះជាប់។
ភាគីប៉ូលិសបានប្រើឧគ្ឃោសនស័ព្ទបញ្ជាក់ថាខ្លួនគឺជាកងកម្លាំងល្បាតនៅផ្លូវហាយវ៉េ ស្រាប់តែជនល្មើសបានផ្ទុះអាវុធសំដៅប៉ូលិសតែម្តង។ភ្លាមៗនោះប៉ូលិសបានផ្ទុះអាវុធតបត ហើយបាញ់សម្លាប់ជនសង្ស័យទាំង៤នាក់នៅនឹងកន្លែងតែម្ដង។
ក្រោយប្រាប់អ្នកសារព័ត៌មាន តំណាងប៉ូលិសឱ្យដឹងថា មុននោះវេលាម៉ោងប្រមាណ៣ល្ងាច ពួកគេទទួលបានព័ត៌មានសម្ងាត់ថាក្រុមដែលមានភិនភាគបែបនេះទើបប្លន់ទ្រព្រសម្បត្ដិរបស់ពលរដ្ឋ រួចគេចខ្លូនចេញ។រថយន្ដល្បាតក៏បានចេញប្រតិបត្ដិការ ហើយក៏កើតរឿងផ្ទុះអាវុធខាងលើតែម្ដង៕
លីសា
