កោះកុង ៖ នៅថ្ងៃទី៣១ សីហា ២០១៨ ដោយមានការចង្អុលបង្ហាញរបស់ លោក ឧត្តមសេនីយ៍ស្នងការ កម្លាំងការិយាល័យប្រឆាំងគ្រឿងញៀន ដឹកនាំដោយលោកឧត្តមសេនីយ៍ត្រី មីន រស្មី ស្នងការរង ទទួលផែនប្រឆាំងបទល្មើស បានចុះបង្ក្រាបករណីជួញដូរ និងរក្សាទុកគ្រឿងញៀន ចំនួន ១ ករណី នៅចំណុចភូមិ ៤ សង្កាត់ដងទង់ ក្រុងខេមរភូមិន្ទ ឃាត់ខ្លួនជនសង្ស័យ ២ នាក់ ប្រុស ៖ ឈ្មោះ ជាវ សំណាង ហៅ រាជ ភេទប្រុស អាយុ ២៥ឆ្នាំ មានទីលំនៅភូមិ-សង្កាត់កើតហេតុ មុខរបរមិនពិតប្រាកដ។ ឈ្មោះ ហួន ឆាយ អាយុ ៣១ ឆ្នាំ មានទីលំនៅភូមិ២ សង្កាត់ស្មាច់មានជ័យ ក្រុងខេមរភូមិន្ទ មុខរបររត់ម៉ូតូ។
សមត្ថកិច្ចបានដកហូតវត្ថុតាងរួមមាន ៖ ម្សៅក្រាមពណ៌សថ្លា សង្ស័យជាសារធាតុញៀន (ICE) ចំនួន ២កញ្ចប់ធំ និង៤កញ្ចប់តូច ស្មើនឹង4,57g ថ្នាំគ្រាប់ពណ៌ផ្កាឈូក WY ចំនួន២០គ្រាប់ មានទំងន់3,11g ថង់សម្រាប់ច្រកថ្នាំញៀនមួយចំនួន និងឧបករណ៍សម្រាប់ជក់មួយចំនួន។
បច្ចុប្បន្ន ជនសង្ស័យទាំងពីរ រួមទាំងវត្ថុតាង ត្រូវបានសមត្ថកិច្ចជំនាញ កសាងសំណុំរឿង បញ្ចូនទៅកាន់សាលាដំបូងខេត្តដើម្បី ចាត់ការតាមនីតិវិធីច្បាប់៕ ដោយ ៖ បញ្ញាស័ក្តិ
