តាមReuters អ្នកមានជំនឿលើការទស្សន៍ទាយនាប្រទេសចិន ពិសេសអ្នកដែលកំពុងមានមុខជំនួញជាមួយអាមេរិក បានស្វែងរកជួបគ្រូហុងស៊ុយនិងគ្រូហោរាសាស្ដ្រ ដើម្បីពង្រឹងផ្លូវចិត្ដឱ្យបានជាក់លាក់ថាតើលទ្ធផលចុងក្រោយនៃជំនួបពាណិជ្ជកម្មនេះទៅជាយ៉ាងណា។
តាមReuters ដដែល ពួកគេនូវបានស្វែងរកដំបូន្មានពីរបរអ្វីដែលគួរគប្បីធ្វើ។
សង្គ្រាមពាណិជ្ជកម្មអាមេរិក-ចិន កំពុងវិវឌ្ឍប្រឈមនឹងកញ្ចប់ទណ្ឌកម្មតម្លៃ២០០ពាន់លានដុល្លារតាមReuters ដដែល ពួកគេនូវបានស្វែងរកដំបូន្មានពីរបរអ្វីដែលគួរគប្បីធ្វើ។
Victor Ng. គ្រូហុងស៊ុយដ៏ល្បីល្បាញនៅហុងកុង និយាយថា លោកច្រើនវិភាគថ្ងៃនិងម៉ោងកំណើតរបស់អតិថិជន ដើម្បីស្វែងរកព័ត៌មាន។ប៉ុន្ដែនៅពេលដែលសង្គ្រាមពាណិជ្ជកម្មអាមេរិក-ចិនបានកើតឡើងជាបន្ដបន្ទាប់និងប្រែប្រួល មិនឈប់ឈរ ធ្វើឱ្យលោកបានធ្វើការពិនិតក្យថ្ងៃ ខែកំណើតរបស់លោកXi Jinping និងលោកDonald Trump ដើម្បីបូកបញ្ចូលបន្ថែមនូវទិន្នន័យរបស់អតិថិជន ហើយធ្វើការបូកសរុបផ្ដល់ដំបូន្មានឱ្យគេ។
Ricky Fong ឈ្មួញកណ្ដាលផ្នែកវិនិយោគនេះទៅជួបគ្រូហុងស៊ុយ Victor Ng ព្រោះលោកគិតថាដំបូន្មានរបស់ លោកគ្រូនឹងជួយឱ្យលោកមានជម្រើសក្នុងរបររកស៊ី សំដៅបញ្ចៀសបានជាអតិបរមានូវឥទ្ធិពលអសកម្មអាចធ្លាក់មកលើលោកដោយសារសង្គ្រាមពាណិជ្ជកម្មនោះ។
គ្រូទាយ Xie Xianglin និយាយថា ពេលនេះអតិថិជនភាគច្រើនរបស់លោកសុទ្ធសឹងតែពាណិជ្ជករនិងអ្នកវិនិយោគទុន។
តាមReuters នោះជាយូរលង់ណាស់មកហើយជនជាតិចិនមានប្រពៃណីជឿជាក់លើការទស្សន៍ទាយនិងមើលហុងស៊ុយ ពីព្រោះវានឹងផ្ដល់ចម្លើយឱ្យពួកគេនូវរាល់ពេលពើបប្រទះនឹងភាពច្របូកច្របល់ គ្មានលំនឹងផ្លូវចិត្ត ។
គ្រូទាយXie Xianglin ប្រាប់Reutersថា សង្គ្រាមពាណិជ្ជកម្មនឹងត្រូវបានបញ្ចប់ដោយការចរចា ស្រុះស្រួលគ្នានាអនាគតយ៉ាងខ្លីខាងមុខ៕
សូយន
