បណ្ដាអង្គការសិទ្ធិនារីបានស្ដីបន្ទោសប្រធានាធិបតីហ្វីពីន Rodrigo Duterte បន្ទាប់ពីលោកបាននិយាយលេងសើចថា គ្រោះថ្នាក់បណ្ដាលមកពីការចាប់រំលោភប្រាកដជាពិបាកចៀសផុតប្រសិនបើនៅមានស្រីស្អាតច្រើនម្ល៉េះនេះ។
លោកDuterte បានរិះគន់ចំពោះអ្នកដែលមានទស្សនៈទិតៀនគាត់ ហើយអះអាងថា លោកបានទប់ស្កាត់មិនឱ្យមានបទល្មើស និងឧក្រិដ្ឋកម្មនាទីក្រុងDavao ក្នុងអំឡុងពេលដែលលោកជាចៅហ្វាយក្រុងនៅទីនោះ។
ស្រាប់តែប្រធានាធិបតីរូបនេះពោលថា៖ពួកគេនិយាយថា «មានការចាប់រំលោភច្រើនហួសហេតុនៅ Davao ។ប្រសិនបើពេលណានៅមានស្រីស្អាតច្រើនបែបនេះ គឺពេលនោះនឹងនៅតែមានករណីចាប់រំលោភច្រើនដដែលហ្នឹង។
មួយថ្ងៃបន្ទាប់មក គឺនៅថ្ងៃទី៣១សីហា បណ្ដាអង្គការសិទ្ធិនារីបានធ្វើការប្រឆាំងយ៉ាងខ្លាំងក្លាទៅនឹងសម្ដីខាងលើរបស់ លោកDuterte ។ពួកគេលើកឡើងថា ៖គួរណាស់លោកDuterte គប្បីបង្ហាញអំពីវិធានការដោះស្រាយបញ្ហានេះយ៉ាងម៉ឺងម៉ាត់ ប៉ុន្ដែលោកបែរជាឆ្កៀលចំដំបៅផ្លូវចិត្តរបស់ជនរងគ្រោះដែលត្រូវគេចាប់រំលោភ។
ពួកគេនូវបានចោទប្រកាន់លោកDuterte ជាអ្នកមានទស្សនៈប្រឆាំងនឹងស្ដ្រី ហើយសង្កត់ធ្ងន់ថា ការចាប់រំលោភពុំមានទំនាក់ទំនងអ្វីជាមួយនឹងរូបភាពខាងក្រៅឡើយ ខណៈពេលដែលសម្ដីរបស់ប្រធានាធិបតីរូបនេះបែរជាបំពាន ហើយទម្លាក់កំហុសលើជនរងគ្រោះទៅវិញ៕
សូយន
