ភ្នំពេញ ៖ របាយការណ៍របស់គ្រឹះស្ថានអង្គរ នៅព្រឹកថ្ងៃទី១ ខែកញ្ញានេះបានបញ្ជាក់ថា រយៈពេល៨ខែ ឆ្នាំ២០១៨ មានភ្ញៀវទេសចរចំនួន ១.៧៤៤.៧០៤នាក់ បានទិញប័ណ្ណចូលទស្សនារមណីដ្ឋានអង្គរ កើនឡើង៨,៤៩ភាគរយបើធៀប នឹងរយៈពេលដូចគ្នាកាលពីឆ្នាំមុន ហើយទទួលបានចំណូលចំនួន ៧៨.៧៧៨.២០៨ដុល្លារ កើនឡើង១៣,៧៩ភាគរយ។
របាយការណ៍ដដែល បានបញ្ជាក់ថា សម្រាប់តែសីហាឆ្នាំនេះ មានភ្ញៀវទេសចរជាង២០១.៨៦៥នាក់ ទិញប័ណ្ណចូលទស្សនាតំបន់អង្គរ ទទួលបានចំណូលជាង៩.១១៣.៣៤០ដុល្លារ និងបានបរិច្ចាគចំនួនជាង៤សែនដុល្លារ ចូលមូលនិធិមន្ទីរពេទ្យគន្ធបុប្ផា ហើយបើក្នុងរយៈ៨ខែដើមឆ្នាំនេះវិញ បរិច្ចាគ ប្រមាណជាង៣,៤លានដុល្លារ ចូលមូលនិធិមន្ទីរពេទ្យគន្ធបុប្ផា៕ ដោយ ៖ បញ្ញាស័ក្តិ
