ស្ត្រីវ័យចំណាស់ Kaysorn Sukserm នៅជនបទខេត្ត Yasothon កំពុងត្រូវបានពលរដ្ឋថៃ លើកពីគំរូនៃការស្វែងរក… “អក្សរ” ។
តាម Coconut លោកយាយ Kaysorn ក្លាយជា “ជនល្ប” ព្រោះតែគ្រូបង្រៀនម្នាក់ នៅសាលា Kum Keun Kaew បង្ហោះផ្សាយខ្សែវីដេអូមួយដែលគាត់បានលបថត ក្រោយពេលប្រឡងបញ្ចប់ថ្នាក់ទី៦ លោកយាយបានធាក់កង់វិលត្រឡប់ទៅផ្ទះ ដោយស្លៀកពាក់ឯកសណ្ឋានជាសិស្ស ។
លោកយាយ Kaysorn ស្លៀកពាក់ឯកសណ្ឋានសិស្សពេលប្រឡងបញ្ចប់ថ្នាក់ទី ៦ កាលពីថ្ងៃទី ៦ ខែសីហា ។
លោកយាយសិស្សទី ៦ រូបនេះ បានថ្លៃក្នុងវីដេអូថា ៖ ជំនាន់ខ្ញុំនៅក្មេង សមត្ថភាពខ្ពស់ពេលនោះគឺថ្នាក់ទី ៤ ហេតុនេះខ្ញុំពុំមានឱកាសបានរៀនសូត្រខ្ពស់ទេ ។
យ៉ាងនេះក្តី ទោះបីមានគម្លាតអាយុគ្រាសិស្សដទៃទៀត មានវ័យជាចៅ ឬចៅទួតក្តីក៏គាត់មាន “ពួកម៉ាក” ជាច្រើនក្នុងថ្នាក់ ។
ពេលលោកគ្រូសួរថា ហេតុអ្វីបានជាកូនចៅមិនចូលមកសាលា? លោកយាយឆ្លើយ ៖ មិនថ្វីទេ ! ពួកគេរវល់ធ្វើការ ហើយខ្ញុំពុំចង់រំខានឡើយ! ។
លោកគ្រូម្នាក់នេះបានបង្ហោះវីដេអូ ហើយសរសេរថា ៖ “ខ្ញុំចាប់អារម្មណ៍ខ្លាំងណាស់ ហើយក៏ងឿងឆ្ងន់ជាពន់ពេក ព្រោះវ័យអញ្ចឹងហើយនៅចង់រៀនបង្កើនចំណេះដឹង ។ ពិតជាទង្វើមួយបង្ហាញឲ្យឃើញពីទស្សនៈខុសឆ្គងអំពីវ័យសិក្សារបស់វិស័យអប់រំ ។
គាត់ពុំបានខ្មាសអៀនបន្តិចណាសោះ នៅពេលរៀនសូត្រប្រចាំថ្ងៃជាមួយសិស្សដែលមានអាយុត្រឹមចៅ ឬចៅទួតរបស់គាត់ ។
“ប្រិយមិត្តយល់យ៉ាងណាដែរ!?” ៕ ចន្ទ្រា