ឆ្នាំជូត ៖ ការងារ ល្អប្រសើរ រាល់ការលំបាក ឧបសគ្គមុនៗត្រូវបានដោះស្រាយរួចរាល់ ។ លុយកាក់ ចម្រុងចម្រើន ធូរធារ ។ មនោសញ្ចេតនា មានឱកាសបានជួបមនុស្សដែលខ្លួនពេញចិត្ត ។
ឆ្នាំឆ្លូវ ៖ ការងារ ធ្លាក់ចុះ ត្រូវបានប្រមូលផ្តុំធ្វើការងារឲ្យខ្លាំងក្លា។ លុយកាក់ មិនល្អ ចំណូលធ្លាក់ចុះ ។ មនោសញ្ចេតនា កុំរវល់នឹងការងារជ្រុល ភ្លេចគិតដល់រឿងមនោសញ្ចេតនា ។
ឆ្នាំខាល ៖ ការងារ រាំងស្ទះ មានអារម្មណ៍ទាល់ច្រក ។ លុយកាក់ មិនស្ថិរភាព មិនត្រូវចាយវាយខ្ជះខ្ជាយ ។ មនោសញ្ចេតនា ត្រូវយកចិត្តទុកដាក់ឲ្យបានច្រើនជាងមុន ក្នុងរឿង មនោសញ្ចេតនា ។
ឆ្នាំថោះ ៖ ការងារ គ្រប់យ៉ាងមិនដំណើរការតាមផែនការ ជួបការលំបាក សម្ពាធច្រើន ។ លុយកាក់ ត្រូវមានវិធីគ្រប់គ្រងលុយកាក់ឲ្យបានល្អ កុំឲ្យធ្លាក់ក្នុងស្ថានភាព “ក្ស័យធន” ។ មនោសញ្ចេតនា ងាយកើតការឈ្លោះប្រកែកគ្នាញឹកញាប់ ។
ឆ្នាំរោង ៖ ការងារ ប្រព្រឹត្តទៅជាធម្មតា ពុំមានរឿងអ្វីគួរឲ្យខ្វាយខ្វល់ ។ លុយកាក់ មិនត្រូវលោភលន់ហួសក្នុងរឿងលុយកាក់ ។ មនោសញ្ចេតនា រីករាយ កក់ក្តៅ ។
ឆ្នាំម្សាញ់ ៖ ការងារ មានអ្នកឈ្នានីសពីក្រោយខ្នង ត្រូវប្រយ័ត្នប្រយែងឲ្យមែនទែន ។ លុយកាក់ស្ថិរភាព មានឱកាសបានលាភ ។ មនោសញ្ចេតនា បញ្ហាសុខភាពឥទ្ធិពលដល់ រឿងមនោសញ្ចេតនា ។
ឆ្នាំមមី ៖ ការងារ ល្អណាស់ ត្រូវបានថ្នាក់លើសរសើរ ពេញចិត្តត្រូវខំរក្សាស្ថានភាពនេះឲ្យគង់វង្ស។ លុយកាក់ ជួបសំណាងល្អអំពីលុយកាក់ដូចជាទទួលបានប្រាក់រង្វន់ ឬ ចាប់ឆ្នោត ត្រូវរង្វាន់ ។ មនោសញ្ចេតនា មិនល្អ ងាយកើតមានទំនាស់ ឈ្លោះប្រកែកគ្នា ។
ឆ្នាំមមែ ៖ ការងារ ត្រូវបង្កើនវេន ឬត្រូវបានចាត់ទៅបេសកកម្ម ។ លុយកាក់ថ្ងៃនេះមានរឿងត្រូវចំណាយប្រាក់ច្រើន ក្រៅពីនេះក៏ត្រូវប្រយ័ត្នក្នុងការគ្រប់គ្រងលុយកាក់ បញ្ចៀសត្រូវចាញ់បោកគេ ។
ឆ្នាំវក ៖ ការងារ ទោះបីជួបរឿងរំខានចិត្តមួយចំនួន តែចុងក្រោយរាល់បញ្ហាសុទ្ធតែអាចដោះស្រាយបាន ។ លុយកាក់ មានអ្នកជួយជ្រោមជ្រែងក្នុងបញ្ហាលុយកាក់ ។ មនោសញ្ចេតនា ត្រូវលៃពេលវេលាឲ្យបានច្រើនសម្រាប់រឿងមនោសញ្ចេតនា ដើម្បីបញ្ចៀសកើតមានបញ្ហាប្រេះស្រាំ ។
ឆ្នាំរកា ៖ ការងារ ត្រូវមានផែនការច្បាស់លាស់ កុំធ្វើអ្វីដោយប្រថុយប្រថាន ។ លុយកាក់ ល្អចម្រើន តែមិនត្រូវអន្ទះសារជ្រុលក្នុងការវិនិយោគរកចំណេញ ។ មនោសញ្ចេតនា រីករាយ កក់ក្តៅ ។
ឆ្នាំចរ ៖ ការងារ អំណោយផលល្អ ការចរចាសហការជំនួញសុទ្ធតែសម្រេចជោគជ័យ ។ លុយកាក់ មានឱកាសបង្កើនថែមចំណូល ។ មនោសញ្ចេតនា ល្អប្រសើរ អាចរក ឃើញមនុស្សដែលខ្លួនពេញចិត្ត ។
ឆ្នាំកុរ ៖ ការងារ មិនត្រូវលូកលាន់ចូលជ្រៅទៅក្នុងកិច្ចការអ្នកដទៃ គួរបង្កើតទំនាក់ទំនងល្អជាមួយអ្នករួមការងារ ដើម្បីបង្កលក្ខណៈល្អសម្រាប់ការឈានឡើង ។ លុយកាក់ ថ្ងៃនេះមានទាំងព័ត៌មានល្អ និងអាក្រក់អំពីលុយកាក់ ត្រូវប្រយ័ត្នចាញ់បោកគេ ។ មនោសញ្ចេតនា មិនល្អ កើតការឈ្លោះប្រកែកគ្នាច្រើន ៕