ការដែលក្រុង Washington រារាំងមិនឱ្យក្រុងសេអ៊ូលគ្រោងការណ៍ផ្លូវដែករវាងកូរ៉េទាំងពីរ បង្ហាញឱ្យឃើញការបាក់បែក យ៉ាងច្បាស់លាស់ក្នុងដំណើរស្រាយភាពតានតឹងជាមួយក្រុងព្យុងយ៉ាង។
គណៈបញ្ជាការអង្គការសហប្រជាជាតិ(UNC) ដឹកនាំដោយកងទ័ពអាមេរិក នៅថ្ងៃទី៣១សីហាបានឃាត់ខ្សែរថភ្លើងសាកល្បង ពីទីក្រុងសេអ៊ូលទៅកាន់ទីក្រុងSinuiju ភាគខាងកូរ៉េខាងជើង។ខ្សៃរថនេះគឺជាផ្នែកមួយក្នុងការសិក្សារួមគ្នារវាងក្រុងសេអ៊ូលនិងព្យុងយ៉ាង សំដៅតភ្ជាប់ខ្សែរថភ្លើងពីរុស្ស៊ីមកកាន់កូរ៉េទាំងពីរ។
តំណាងUNC ប្រកាសថា យើងខ្ញុំសំណូមពរបំពេញបន្ថែមនូវព័ត៌មានច្បាស់លាស់និងប្រាកដប្រជាជាងនេះចំពោះខ្សែរថភ្លើងខាងលើ។ ការដែលUNC ឃាត់ខ្សែរថភ្លើងនេះពិតជាបង្ហាញឱ្យឃើញនូវការបែកបាក់ក្នុងរបៀបដោះស្រាយភាពតានតឹងនៅឧបទ្វីបកូរ៉េ ដោយក្រុងសេអ៊ូលចង់បង្កើតកិច្ចសហប្រតិបត្តិការជាមួយកូរ៉េខាងជើងក្នុងពេលដែលក្រុងវ៉ាស៊ីនតោនសំណូមពរឱ្យក្រុងព្យុងយ៉ាងរំសាយនុយក្លេអ៊ែរទាំងស្រុងសិនមុនពេលធ្វើសហប្រតិបត្តិការសេដ្ឋកិច្ច។
អ្នកវិភាគលើកឡើងថា៖ ថ្វីត្បិតតែអាមេរិកនិងកូរ៉េខាងត្បូងមានចំណុចរួមគ្នាច្រើនក្ដី ប៉ុន្ដែកូរ៉េខាងត្បូងចាត់ទុកបណ្ដាគ្រោងការណ៍អន្តរកូរ៉េគឺជាកត្តាគាំទ្រដល់គោលដៅជាតិ ខណៈពេលដែលក្រុងវ៉ាស៊ីនតោនចាត់ទុកថាវាគឺជាហានិភ័យបង្កឥទ្ធិពលអាក្រក់ដល់ដំណើរការរំសាយនុយក្លេអ៊ែរនៅឧទ្វីបកូរ៉េនោះ៕
សូយន
