ខេត្តព្រះសីហនុ ៖ អភិបាលខេត្តព្រះសីហនុ បានជួបពិភាក្សាការងារជាមួយ ថ្នាក់ដឹកនាំ និងមន្ត្រីមន្ទីរកសិកម្មរុក្ខាប្រមាញ់ និងនេសាទខេត្តព្រះសីហនុ ដើម្បីជំរុញឲ្យមន្ត្រីជំនាញក្នុងមន្ទីរ ផ្តោតការយកចិត្តទុកដាក់ក្នុងសកម្មភាពជួយប្រជាពលរដ្ឋលើការងារបង្កបង្កើនផល ចិញ្ចឹមសត្វ និងធ្វើសកម្មភាពទប់ស្កាត់ការកាប់រានដីព្រៃ របស់រដ្ឋយកធ្វើជាកម្មសិទ្ធិ ទប់ស្កាត់ការនេសាទខុសច្បាប់។
កិច្ចប្រជុំនេះធ្វើឡើងនៅព្រឹក នៅព្រឹកថ្ងៃទី៣ ខែកញ្ញា ឆ្នាំ២០១៨នេះ។
ព្រមជាមួយគ្នានេះ ឯកឧត្តម យន្ត មីន ក៏បានជម្រុញឲ្យថ្នាក់ដឹកនាំមន្ទីរកសិកម្ម ចុះចលនាជួយបណ្តុះបណ្តាលចំណេះដឹងផ្នែកកសិកម្ម បង្កបង្កើនផល ក៏ដូចជាការចិញ្ចឹមសត្វ ជូនប្រជាពលរដ្ឋ នៅគ្រប់សហគមន៍ ដើម្បីបង្កើនជីវភាពរស់នៅ របស់ប្រជាពលរដ្ឋក្នុងមូលដ្ឋាននេះឲ្យបានប្រសើរឡើង៕ ដោយ៖ ដែន សីមា