នេះជាថ្ងៃមង្គលការដ៏រីករាយបំផុតមួយនៅក្នុងជីវិត សម្រាប់គូស្វាមីភរិយាវ័យក្មេងមួយគូ នៅក្នុងប្រទេសចិន ដែលទទួលបានការចូលរួមយ៉ាងអធឹកអធម ពីសំណាក់សាច់ញាតិ គ្រួសារ និងមិត្តភក្តិរបស់ពួកគេ ។
ប៉ុន្តែ ខណៈពេលមួយនៃពិធីជប់លៀងមង្គលការ មានរឿងគួរឲ្យកត់សម្គាល់មួយ បានប្រែក្លាយជាផ្ទាំងទស្សនីយភាពបង្កការផ្ទុះសំណើចជាខ្លាំង នៅពេលដែលកូនកំលោះក្រមុំ ត្រូវបានទទួលការស្វាគមន៍គួរឲ្យព្រឺសម្បុរ ពីមិត្តភក្តិប្រុសៗទាំងសងខាងរបស់ពួកគេ ។
នៅក្នុងវីដេអូ បានបង្ហាញឲ្យឃើញកូនកំលោះ ត្រូវបានថើបដោយមិត្តភក្តិប្រុសរបស់គាត់ ខណៈកូនក្រមុំវិញក៏ត្រូវបានបឺមាត់ដោយមិត្តភក្តិប្រុសម្នាក់ទៀតរបស់នាងជាបន្តផងដែរ ។
ទោះយ៉ាងណា កូនកំលោះ ត្រូវបានឃើញហាក់បង្ហាញអារម្មណ៍មិនសូវសប្បាយចិត្តនោះទេ ខណៈគាត់មើលឃើញភរិយារបស់គាត់ កំពុងត្រូវបាន «កាន់កាប់» ដោយមិត្តភក្តិប្រុសនាងបែបនេះ ៕ ឧត្តម
