សមត្ថកិច្ចរុស្ស៊ីកំពុងមានកង្វល់ថា ពួកគេកំពុងប្រឈមនឹងឃាតករដៃដល់សាហាវម្នាក់ហើយ ក្រោយពេលដែលគេប្រទះឃើញសាកសពនារី ២នាក់នៅក្នុងវ៉ាលីសពណ៌ខ្មៅ ទាំងអាក្រាតកាយ ។
សាកសពអាក្រាតរបស់នារីទី១ ដែលរកឃើញក្នុងវ៉ាលីស ពណ៌ខ្មៅ ។
តាម Daily Mail ប៉ូលិសមូស្គូ បានរកឃើញសាកសព ២នេះនៅក្នុងករណី ២ផ្សេងគ្នា ។
អ្នកជំនាញការខាងកោសល្យវិច្ច័យ ពុំទាន់រកឃើញមូលហេតុនៃការស្លាប់របស់ជនរងគ្រោះ ដែលរកឃើញថាស្លាប់មុនក្រោយគ្នា ៣សប្តាហ៍នោះទេ ។
អ្នកស៊ើបអង្កេត បារម្ភខ្លាចក្រែងវាជា “ឃាតករសម្លាប់មនុស្សច្រកវ៉ាលីស” ហើយវាសំដៅទៅលើនារីក្មេងៗ ព្រមទាំងលក្ខណៈស្រដៀងគ្នានៃការ “សម្លាប់គួរឲ្យខ្លាច” របស់ករណីទាំង ២ ។
ប៉ូលិសពុំបានប្រកាសពីអត្តសញ្ញាណអ្នករងគ្រោះទេ ។
ជនរងគ្រោះម្នាក់បានសាក់រូបម្កុដនៅខ្នង ។
នៅថ្ងៃទី ៣១ ខែសីហា អ្នកជិះកង់ម្នាក់បានប្រទះឃើញវ៉ាលីសមួយនៅច្រកផ្លូវតូចមួយក្បែរមជ្ឈមណ្ឌលពាណិជ្ជកម្ម Lyublino ភាគអាគ្នេយ៍ ក្រុងមូស្គូ ហើយសាកសពពុំមានស្នាមរបួស ឬការចាប់រំលោភអ្វីទេ ។
ថ្ងៃទី ៨ ខែសីហា ប្រមាណ ៣សប្តាហ៍មុននោះ សាកសពនារីក្មេងច្រកក្នុងវ៉ាលីសពណ៌ខ្មៅដូចគ្នា នឹងរាងកាយអាក្រាតត្រូវបានរកឃើញនៅភាគនិរតី ទីក្រុងនេះ ក្បែរឧទ្យាន Vorotsorsky ។
អ្នកស៊ើបអង្កេតបារម្ភថា រឿង២ជារបស់ឃាតករតែម្នាក់ ។
មន្ត្រីស៊ើបអង្កេតម្នាក់ប្រាប់ថា ៖ ពុំឃើញមានស្លាកស្នាម លើសាកសពទេ ហើយក៏ពុំមានការរំលោភអ្វីដែរ ។
មកទល់ពេលនេះ មូលហេតុបណ្តាលឲ្យអ្នកទាំង ២ស្លាប់ នៅតែជាអាថ៌កំបាំង។ ប៉ូលិសកំពុងស្ទុះស្ទារស៊ើបអង្កេតរកជនល្មើស ៕ ចន្ទ្រា
